قازاقستاندا «اڭساعان ءسابي» باعدارلاماسى كۆوتاسىمەن تۇڭعىش نارەستە دۇنيەگە كەلدى

نۇر-سۇلتان. قازاقپارات - پرەزيدەنت قاسىم-جومارت توقايەۆتىڭ باستاماسىمەن قولعا الىنعان اڭساعان ءسابي» باعدارلاماسى اياسىندا تۇڭعىش نارەستە دۇنيەگە كەلدى، دەپ حابارلايدى قازاقپارات ءتىلشىسى.

بۇل جايلى ق ر دەنساۋلىق ساقتاۋ ءمينيسترى الەكسەي سوي Facebook جەلىسىندەگى جەكە پاراقشاسىندا جازدى.

ەكو جاساتۋعا ارنالعان «اڭساعان ءسابي» باعدارلاماسى اياسىندا قازان ايىنىڭ 15 ى كۇنى العاشقى نارەستەنىڭ كىندىگى كەسىلدى. قازاقستاندىق رەپرودۋكتيۆتى مەديتسينا قاۋىمداستىعىنىڭ مالىمەتىنشە، ەلىمىزدە ەكو ارقاسىندا دۇنيەگە كەلگەن بالالاردىڭ سانى 25 مىڭعا جەتتى. تالعار اۋدانى تالدىبۇلاق اۋىلىندا تۇراتىن دانا رەپرودۋكتيۆتى مەديتسينا ينستيتۋتىنا جۇگىنگەن كەزدە 9 جىلدان بەرى بالا كوتەرە الماي جۇرگەنىن ايتقان.

ول «جاس-اي» مەديتسينا ورتالىعىندا اعا مەدبيكە بولىپ جۇمىس ىستەيدى. ال كۇيەۋى قۋاندىقتىڭ ماماندىعى - ەلەكتريك. ولار ماتەريالدىق جاعدايعا بايلانىستى ەكو جاساتا الماي كەلگەن»، - دەيدى ول. ەرلى-زايىپتىلارعا جۇكتىلىكتى «اڭساعان ءسابي» باعدارلاماسىنىڭ كۆوتاسى بويىنشا ەكو ادىسىمەن جوسپارلاۋ ۇسىنىلدى. وسىلايشا، ايەل ادام دارىگەر اياۋلىم كوسەتوۆانىڭ قاراۋىندا بولعان. العاشقى ەكو-دان كەيىن-اق دانا جۇكتى بولىپ، قازان ايىنىڭ ورتاسىندا بوساندى. №3-قالالىق پەرزەنتحانادا سالماعى 3156 كەلى، بويى 52 سانتيمەتر ارمان ەسىمدى دەنى ساۋ ۇل جارىق دۇنيە ەسىگىن اشتى.

اۆتور: تالعاتجان مۇحامەتبەك ۇلى