الماتىدا وزىنە قول سالعان وقۋشىنىڭ اتا-اناسى مەكتەپ باسشىلىعىنا جۇگىندى

الماتى. قازاقپارات - الماتىداعى نازاربايەۆ زياتكەرلىك مەكتەپتەرىندە مەرت بولعان سەگىزىنشى سىنىپ وقۋشىسىنىڭ اتا-اناسى مەكتەپ باسشىلىعىنا، كۋراتور مەن پسيحولوگقا ەشقانداي شاعىمدارى جوق ەكەنىن مالىمدەدى، دەپ حابارلايدى قازاقپارات ءتىلشىسى.

ءبىلىم بەرۋ مەكەمەسى وكىلدەرىنىڭ اتاپ وتكەنىندەي، سەگىزىنشى سىنىپ وقۋشىسىنىڭ اكەسى الماتى قالاسىنداعى حيميا- بيولوگيا باعىتىنداعى نازاربايەۆ زياتكەرلىك مەكتەبىنىڭ باسشىلىعىنا ءوتىنىش ءبىلدىرىپ، وتباسىندا بولعان قايعىلى جاعدايعا، تۋىستارى مەن جاقىندارىنىڭ سەزىمدەرىنە، بالانى ەسكە الۋعا تۇسىنىستىكپەن قاراۋدى سۇرايدى.

«مەنىڭ ۇلىمنىڭ ەسىمىن اتاي بەرمەۋدى جانە يۋبكا كيۋدى ناسيحاتتايتىن كەز-كەلگەن ءىس-شارالاردى، اكسيالاردى جانە الەۋمەتتىك جەلىلەردەگى جاريالانىمداردى توقتاتۋىڭىزدى سۇرايمىن»، - دەپ جازدى وقۋشىنىڭ اكەسى. وتباسى سونىمەن قاتار وقۋشىعا قىسىم جاساۋ جانە ونىڭ پسيحولوگيالىق پروبلەمالارى تۋرالى بارلىق بولجامدار مەن ايىپتاۋلار شىندىققا جاناسپايتىنىن، وقۋشىنىڭ اتا-اناسى مەكتەپ باسشىلىعىنا، كۋراتور مەن پسيحولوگقا قاتىستى شاعىمدارى جوق ەكەنىن ايتتى.

قازىرگى ۋاقىتتا قايعىلى وقيعا بويىنشا تەرگەۋ ءجۇرىپ جاتىر.

ەستەرىڭىزگە سالساق، 27-قازاندا ساباقتان تىس ۋاقىتتا نازاربايەۆ زياتكەرلىك مەكتەبىنىڭ سەگىزىنشى سىنىپ وقۋشىسىنا قاتىستى قايعىلى جاعداي بولدى. بوستاندىق اۋداندىق پوليتسيا باسقارماسى ءىستى ق ر ق ك-نىڭ 105-بابى «ءوز-وزىنە قول جۇمساۋعا جەتكىزۋ» بويىنشا سوتقا دەيىنگى تەرگەپ-تەكسەرۋدىڭ ءبىرىڭعاي تىزىلىمىنە تىركەدى.

اۆتور: دۋمان ارعىنگەلدى