توميريس بايسافانىڭ ءولىمى: ماسكەۋ سوتى قىلمىسكەردى اقتاعان ۇكىمنىڭ كۇشىن جويدى

الماتى. قازاقپارات - سوت ماسكەۋدە قازا بولعان قازاقستاندىق ستۋدەنت توميريس بايسافانىڭ ءىسى بويىنشا مۋرتۋزالي مەدجيدوۆكە قاتىستى اقتاۋ ۇكىمىنىڭ كۇشىن جويدى.

بۇل تۋرالى قىزدىڭ اناسى جاننا احمەتوۆا instagram پاراقشاسىندا جازدى، دەپ حابارلايدى قازاقپارات ءتىلشىسى.

بۇل اقپاراتتى مەدجيدوۆتىڭ ادۆوكاتى شاميل يانداربايەۆ تا راستادى. سوت ۇكىمىنىڭ كۇشى جويىلدى. ءىس ماسكەۋدىڭ نيكۋلين سوتىنا قايتا قاراۋعا جىبەرىلدى. بۇعان دەيىن ماسكەۋدىڭ نيكۋلين سوتىنىڭ القابيلەر سوتى ەر ادامدى اقتاپ شىققان. سەبەبى ولىمگە قاتىسى بار دەگەن دالەلدەردى تاپپادى. سونىڭ نەگىزىندە مەدجيدوۆتى اقتاۋ جونىندە شەشىم قابىلدانعان بولاتىن. ەسكە سالا كەتسەك، 2018 -جىلدىڭ ءساۋىر ايىندا قازاقستاندىق ستۋدەنت قىز توميريس بايسافا ماسكەۋ مەملەكەتتىك حالىقارالىق قاتىناستار ينستيتۋتىنىڭ تەرەزەسىنەن قۇلاپ كەتكەن ەدى.

ول 3-مامىردا اۋرۋحانادا قايتىس بولدى. قىزدىڭ اتا-اناسى ونىڭ وزىنە قول سالعاندىعىنا قاتىستى تەرگەۋدىڭ نۇسقاسىمەن كەلىسپەي، تەرگەۋدىڭ ءادىل جۇرگىزىلۋىن تالاپ ەتتى. كەيىننەن ق ر ادام قۇقىقتارى جونىندەگى ۋاكىل اسقار شاكىروۆ رەسەي فەدەراتسياسىنىڭ ومبۋدسمەنى تاتيانا موسكالكوۆاعا توميريس بايسافانىڭ ءولىمىن تەرگەۋگە كومەك سۇراعان بولاتىن.

اۆتور: الما مۇقانوۆا