كەلبەتى كوز سۇيسىندىرەر كوكشەتاۋدىڭ كورىكتى ورىندارى قانداي - فوتورەپورتاج
وسى رەتتە قازاقپارات ءتىلشىسى قالاداعى نەگىزگى كورنەكى ورىندارعا شولۋ جاسايدى.
تۋ تۋعىرى
كوكشەتاۋدىڭ ەڭ بيىك نۇكتەسى بۇقپا تاۋىنىڭ توبەسىنە ورناتىلعان 100 مەترلىك تۋ تۇعىرى ەل مەن ەگەمەندىك مۇددەسىندە ءبىر تۋعا جينالعاندىعىن بىلدىرسە، ەكىنشىسى ەلدىڭ ەگەسى، كيەسى بارىن دا الىستان ايشىقتاپ تۇرادى.
قالا تۇرعىندارى مەن قوناقتارى تاۋدىڭ باسىنا كوتەرىلىپ، بيىكتىكتەن قالانىڭ اسەم كورىنىسىن تاماشالاي الادى.
بولاشاق سارايى
كوكشەتاۋداعى اسەم ءارى قازىرگى زاماڭعى عيماراتتاردىڭ ءبىرى - 2020 -جىلى قازاقستان مەن رەسەيدىڭ ءوڭىرارالىق ىنتىماقتاستىق فورۋمىنا دايىندىق اياسىندا سالىنعان بالالار مەن ستۋدەنتتەردىڭ بولاشاق سارايى سارايى دەر ەدىك. عيماراتتىڭ قۇرىلىس ارحيتەكتۋراسى زاماناۋي شەشىمدەرمەن، ەرەكشە فورمالارمەن تولىقتىرىلعان جانە ازىرلەۋشى كومپانيانىڭ يننوۆاتسيالىق ويلاۋىنىڭ جوعارى دەڭگەيىن كورسەتەدى.
گەرمانيانىڭ زاماناۋي جابدىقتارىمەن جابدىقتالعان جانە ونەر مەن عىلىمنىڭ كەز كەلگەن باعىتىندا ءبىلىم بەرۋدىڭ شەكسىز مۇمكىندىكتەرىنە يە. مۇندا وقۋشىلار مەن ستۋدەنتتەر ونەر، سپورت، عىلىمي- تەحنيكالىق، IT باعىتىندا وزدەرىنىڭ دارىندىلىقتارى مەن تالانتتارىن دامىتا الادى. عيماراتتىڭ اۋلاسىنداعى ءتۇرلى تۇسكە ەنەتىن سۋبۇرقاقتا ادەمى. انالار بالالارىمەن بىرگە بۇل جەردە كوڭىلدى ۋاقىت وتكىزە الادى.
جاعاجاي
سونىمەن بىرگە قازاقستان مەن رەسەيدىڭ ءوڭىرارالىق ىنتىماقتاستىق فورۋمى اياسىندا سالىنعان نىساننىڭ ءبىرى - بۇگىنگى كۇنى قالا تۇرعىندارى مەن قوناقتارىنىڭ دەمالىپ، سەرۋەندەيتىن سۇيىكتى ورنى قوپا كولىنىڭ جاعاجايى. سۋعا ءتۇسىپ، كۇنگە قىزدىرىنىپ، كوڭىل سەرگىتەر جاعاجايدىڭ اشىلۋى قالا حالقىنا جاڭا ءبىر تىنىس بولدى. ۇزىندىعى 1,5 شاقىرىم اۋماقتى الىپ جاتقان جاعاجايدا امفيتەاتر، بالالار مەن سپورت الاڭدارى، ۆەلوسيپەد جولدارى بار.
امفيتەاتر
قىلشاقتى وزەنىنىڭ نازاربايەۆ داڭىعىلى ارقىلى وتەتىن كوپىر جانە ابىلاي حان داڭعىلى ارقىلى وتەتىن تۇسىندا اشىق اسپان استىنداعى امفيتەاتر دا كوكشەتاۋلىقتاردىڭ كەشكىلىك ۋاقىتتا سەرۋەندىپ، سۋرەتكە تۇسەتىن سۇيىكتى ورنىنا اينالعان.
NEKE Saraiу
شىعىس ساۋلەت ونەرىنىڭ كلاسسيكالىق ۇلگىسىمەن سالىنعان جاڭا «NEKE Saraiу « نەكە سارايى. عيمارات الىپ كيىز ءۇي ۇلگىسىندە تۇرعىزىلعان. ساۋلەتى كەلىسكەن، قازىرگى زامان تالابىنا ساي مۇنداي عيماراتتار رەسپۋبليكانىڭ ءبىرقاتار وبلىس ورتالىقتارىندا عانا كەزدەسەدى. قالاعا كىرەبەرىستەگى قاقپا ەلىمىزدىڭ تاۋەلسىزدىگى مەن كوكشەتاۋدىڭ ەڭسەسىن كوتەرىپ تۇرعان نىسانداردىڭ ءبىرى نۇر-سۇلتان باعىتىنان قالاعا كىرە بەرىستەگى قاقپا دەۋگە بولادى. ەگەمەندىك جىلدارى قول جەتكەن جەتىستىكتەرىمىزدى ايعاقتايتىن قاقپا بۇگىنگى كوكشەتاۋدىڭ كەلبەتىن كەلىستىرىپ اق تۇر. 2015 -جىلى تۇرعىزىلعان ساۋلەت قۇرىلىسىنىڭ بيىكتىگى 15 مەتر، ۇزىندىعى 40 مەتر. ورتا تۇسىندا ۇلكەن ارىپپەن «كوكشەتاۋ» اتاۋى جازىلعان.
«قوعامدىق كەلىسىم» سارايى
كوكشەتاۋدىڭ زامانۋي ۇلگىدە سالىنعان «قوعامدىق كەلىسىم» سارايى وڭىردەگى ءتۇرلى ۇلت وكىلدەرىنىڭ باسىن ءبىر شاڭىراقتىڭ استىنا ۇيىستىرعان ورىندارىنىڭ ءبىرى سانالادى. قوپا كولىنىڭ جاعاسىندا ورنالاسقان اسەم ساۋلەت نىسانى قالا قوناقتارى مەن تۇرعىندارىن انادايدان وزىنە تارتادى. ال بىرلەسكەن ومىرگە قادام باسقان جاس جۇبايلارعا دوستىق ءۇيىنىڭ قاسىندا سۋرەتكە ءتۇسۋ - مەرەكەلىك ءىس- شارانىڭ اجىراماس نىشانى.
«كوكشەتاۋ» مادەنيەت سارايى
بۇگىنگى تاڭدا كوكشەتاۋداعى الەۋمەتتىك- ەكونوميكالىق سيپاتتاعى نىساندار قالپىنا كەلتىرىلىپ، كۇندەلىكتى تۇرمىسقا قاتىستى تۇيتكىلدى ماسەلەلەر شەشىمىن تابۋدا. سونىڭ ىشىندە «كوكشەتاۋ» مادەنيەت سارايى كۇردەلى جوندەۋدەن ءوتىپ، سىرت كەلبەتى جارقىراپ شىعا كەلدى.
سارىارقا شاعىناۋدانى
كوكشەتاۋ قالاسىندا تۇرعىن ءۇي قۇرىلىسى قارقىن العان. اسىرەسە، قوپا كولىنىڭ وڭتۇستىك شىعىس جاق تۇسىندا جاڭادان بوي كوتەرگەن سارىارقا شاعىن اۋدانىندا سالىنىپ جاتقان تۇرعىن ۇيلەر مەن الەۋمەتتىك نىسانداردىڭ سۇلۋلىعى ەرەكشە. قىزىل كىرپىشتەن سالىنعان اسەم ۇيلەر مەن تاقتايداي تەپ- تەگىس جولدار الىستان كوز تارتادى.
مەشىت پەن سوبور
كوكشەتاۋدىڭ تاعى ءبىر ارحيتەكتۋرالىق «مارجانى» - ول قالانىڭ قاق تورىندە ورنالاسقان ناۋان حازىرەت مەشىتى مەن قوپا كولىنىڭ جاعالاۋىنان ورىن تەپكەن ۆوسكرەسەنيا حريستوۆا كافەدارالدى سوبورى.
