قازاقستاندا جاڭارتىلاتىن ەنەرگيا كوزدەرى قۋاتىنا تاريف تومەندەدى

«ءبىزدىڭ ەلىمىزدە جاڭارتىلاتىن ەنەرگيا كوزدەرىن (ج ە ك) دامىتۋ بويىنشا ناقتى ۇزاق مەرزىمدى ماقساتتارىمىز بار. قازىر 2018-جىلدان باستاپ ج ە ك جوبالارىن ىسكە اسىرۋ بويىنشا اشىق ەلەكتروندىق اۋكتسيوندار وتكىزەمىز. بۇل وتە ۇلكەن اسەر بەرەدى. سوڭعى ءۇش جىلدا جۇرگىزىلگەن اۋكسيوندار ناتيجەسىندە كۇن ەلەكتر ەنەرگياسىنا تاريفتەر %64 عا، جەل مەن گيدروتاريفتەر شامامەن %23 عا تومەندەدى. بۇل جاقسى كورسەتكىش»، - دەدى ەنەرگەتيكا ءبىرىنشى ۆيتسە-ءمينيسترى مۇرات جۇرەبەكوۆ ورتالىق كوممۋنيكاتسيالار قىزمەتىندە.

ونىڭ ايتۋىنشا، تاريفتەردىڭ تومەندەۋىنە باسەكەلەستىك ورتانى دامىتۋ ىقپال ەتكەن.

«سونىمەن قاتار، ءبىز ب ا ءا- دەگى سەرىكتەستەرمەن ىنتىماقتاستىق بويىنشا جۇمىس جۇرگىزۋدەمىز. بۇل ەلدەر باسەكەلى ساۋدا-ساتتىق تەتىكتەرىن پايدالاناتىن، ستراتەگيالىق كەلىسىمدەر جاساساتىن الەمدىك تاجىريبە. باسقا ەلدەردە دە ءدال وسىنداي جۇمىستار جاسالادى. بۇل باسەكەلەستىكتىڭ كۇشەيۋىنە جانە ءبىزدىڭ تۇتىنۋشىلار ءۇشىن تاريفتەردىڭ تومەندەۋىنە الىپ كەلەدى»، - دەپ اتاپ ءوتتى مۇرات جۇرەبەكوۆ.

ءوز كەزەگىندە ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي بەكەشيەۆ جاڭارتىلاتىن ەنەرگيا كوزدەرىنىڭ تەحنولوگيالارى قولجەتىمدى بولا باستاعانىن حابارلادى.

«تاريفتەردىڭ تومەندەۋى باسەكەلەستىككە اكەلەتىنى تۇسىنىكتى. ج ە ك تەحنولوگيالارى سالىستىرمالى تۇردە ارزانعا تۇسەدى. كۇن ەنەرگياسىن الاتىن بولساق، ون جىل ىشىندە تەحنولوگيانىڭ قۇنى 9 ەسەگە تومەندەدى. سوندىقتان ءبىز ينۆەستيتسيالاردىڭ نەگىزگى اعىنىن 2040-جىلدان كەيىن جوسپارلاپ وتىرمىز. 2040-جىلعا قاراي تەحنولوگيالار تومەندەيدى. كومىرتەكتى ۇستاۋ جانە ساقتاۋ تەحنولوگيالارى ءالى دە قىمبات. سوندىقتان، ول كەزەڭدە - 10-15 جىلدان كەيىن بۇل تەحنولوگيالار شىنىمەن دە قولجەتىمدى بولاتىن شىعار. 2060-جىلعا قاراي شىعارىندىلاردىڭ ءبىر بولىگى ورماندارمەن، ەگىستىكتەرمەن، ءبىر بولىگى ج ە ك- كە كوشۋمەن تومەندەيدى دەپ بولجاپ وتىرمىز»، - دەدى سەرىكقالي برەكەشيەۆ.