كوكجايلاۋ ىلە الاتاۋى ۇلتتىق پاركىنىڭ قۇرامىنا كىرگىزىلمەك
نۇر-سۇلتان. قازاقپارات - ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ كوكجايلاۋ شاتقالىنىڭ ىلە الاتاۋى ۇلتتىق پاركىنىڭ قۇرامىنا قاشان قايتارىلاتىنىن ايتىپ بەردى، دەپ حابارلايدى قازاقپارات ءتىلشىسى.
مينيستر 2020-جىلعى 30- قىركۇيەكتە قورداعى جەرلەردى ەرەكشە قورعالاتىن تابيعي اۋماقتاردىڭ جەرلەرىنە اۋىستىرۋ ءتارتىبىن رەتتەيتىن زاڭ قابىلدانعانىن ەسكە سالدى.
«اتالعان زاڭنىڭ قابىلدانۋى كوكجايلاۋ جوباسىنىڭ جەرلەرىن ىلە-الاتاۋ ۇلتتىق پاركىنىڭ قۇرامىنا قايتارۋعا نەگىز بولدى. بۇگىندە جەر كولەمى شامامەن 1000 گەكتاردى قۇرايدى، قازىرگى ۋاقىتتا ىلە-الاتاۋ ۇلتتىق پاركىنە جەر بەرۋ تۋرالى ۇكىمەت قاۋلىسىنىڭ جوباسى ازىرلەنۋدە»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگتە.
ءمينيستردىڭ ايتۋىنشا، قاۋلى جوباسىن كەلىسۋ جانە ونى بەكىتۋ ءراسىمى شامامەن ءبىر ايعا سوزىلادى، ال كوكجايلاۋدى ىلە-الاتاۋ ۇلتتىق پاركىنىڭ قۇرامىنا قايتارۋ پروتسەسى جىل سوڭىنا دەيىن اياقتالماق.
