قار، كوكتايعاق، شاڭدى داۋىل - جۇماعا ارنالعان اۋا رايى
قازاقستاننىڭ باسىم بولىگىنىڭ اۋا رايىن تسيكلون جىراسى جانە ونىمەن بايلانىستى اتموسفەرالىق فرونتالدى بولىكتەر انىقتايتىن بولادى. سوعان بايلانىستى وڭتۇستىكتە جانە وڭتۇستىك- شىعىستا جاۋىن- شاشىن (جاڭبىر، قار) كۇتىلەدى. تەك اتىراۋ، ماڭعىستاۋ وبلىستارى انتيتسيكلون جوتاسىنىڭ ىقپالىمەن جاۋىن- شاشىنسىز اۋا رايى ساقتالادى.
ەلىمىزدىڭ باسىم بولىگىندە تۇمان، وڭتۇستىك- باتىسىندا شاڭدى داۋىل، سولتۇستىك- باتىسىندا، سولتۇستىگىندە، ورتالىعىندا جانە شىعىسىندا كوكتايعاق، جاياۋ بۇرقاسىن بولجانادى. اقمولا وبلىسىنىڭ سولتۇستىك- باتىسىندا، وڭتۇستىك- شىعىسىندا، قوستاناي وبلىسىنىڭ سولتۇستىك- باتىسىندا، كۇندىز قاراعاندى وبلىسىنىڭ باتىسىندا جانە سولتۇستىگىندە، كۇندىز شىعىس قازاقستان وبلىسىنىڭ سولتستىگىندە تۇمان، جاياۋ بۇرقاسىن، كوكتايعاق بولادى. وبلىستىڭ باسىم بولىگىندە جەل 15-20, ەكپىنى 23-28 م/س كۇشەيەدى.
جامبىل وبلىسىندا تۇمان، كوكتايعاق كۇتىلەدى، وبلىستىڭ باتىسىندا، وڭتۇستىك- باتىسىندا جانە تاۋلى اۋداندارىندا جەل 15-20, ەكپىنى 25 م/س كۇشەيەدى. تۇندە جانە تاڭەرتەڭ اتىراۋ وبلىسىنىڭ باتىسىندا، تۇركىستان وبلىسىنىڭ تاۋلى اۋداندارىندا تۇمان كۇتىلەدى، وبلىستىڭ سولتۇستىگىندە جانە ورتالىعىندا جەلدىڭ 15-20 م/س كۇشەيۋى كۇتىلەدى.
سولتۇستىك قازاقستان وبلىسىندا كوكتايعاق، جاياۋ بۇرقاسىن كۇتىلەدى، وبلىستىڭ باسىم بولىگىندە جەل 15-20, ەكپىنى 23-28 م/س كۇشەيەدى. تۇندە پاۆلودار وبلىسىنىڭ وڭتۇستىگىندە، اقتوبە وبلىسىنىڭ سولتۇستىگىندە، باتىس قازاقستان وبلىسىنىڭ شىعىسىندا كوكتايعاق بولىپ، باسىم بولىگىندە جەل 15-20 م/س كۇشەيەدى.
كۇندىز ماڭعىستاۋ وبلىسىنىڭ وڭتۇستىك- باتىسىندا جانە سولتۇستىك- شىعىسىندا جەل 15-20 م/س شاڭدى داۋىل سوعادى.
