الماتىداعى احمەت بايتۇرسىن ۇلىنىڭ مۇراجاي-ءۇيى اكىمدىك مەنشىگىنە قايتارىلدى
الماتى اكىمى باقىتجان ساعىنتايەۆ مۇراجاي- ءۇيدى قوعامدىق قوردان كوممۋنالدىق مەنشىككە بەرۋ تۋرالى شەشىم قابىلدانعانىن ايتتى.
«كەلەر جىلى كورنەكتى اعارتۋشى احمەت بايتۇرسىن ۇلىنىڭ تۋعانىنا 150 جىل تولادى. مەرەيتويعا دايىندىق بارىسىندا قوعام قايراتكەرى تۇرعان مۇراجاي- ءۇيدى قالا مەنشىگىنە قايتاردىق. ونىڭ مۇراسى ماڭگىلىك ساقتالادى»، - دەپ جازدى باقىتجان ساعىنتايەۆ ءوزىنىڭ Twitter- دەگى اككاۋنتىندا.
ⅩⅩ عاسىردىڭ باسىندا سالىنعان مۇراجاي عيماراتى رەسپۋبليكالىق ماڭىزى بار تاريح جانە مادەنيەت ەسكەرتكىشتەرىنىڭ مەملەكەتتىك تىزىمىنە ەنگىزىلگەن. عيماراتتىڭ جالپى اۋدانى - 160 شارشى مەتر. مۇراجاي 1993 -جىلى قۇرىلدى جانە 1998 -جىلى رەسمي تۇردە اشىلدى. وندا احمەت بايتۇرسىن ۇلىنىڭ ءومىرى مەن شىعارماشىلىعىنان سىر شەرتەتىن 500-گە جۋىق قۇندى ماتەريال ساقتالعان.
