الماتىدا «جىل مۇعالىمى» بايقاۋىنىڭ جەڭىمپازىنا پاتەر كىلتى تاپسىرىلدى

الماتى. قازاقپارات- «الماتىنىڭ جىل مۇعالىمى» بايقاۋىنىڭ گران-پري يەگەرىنە پاتەر كىلتى تاپسىرىلدى، دەپ حابارلايدى قازاقپارات ءتىلشىسى.

الماتى اكىمى باقىتجان ساعىنتايەۆ قالا پەداگوگتارى اراسىنداعى بايقاۋ جەڭىمپازدارىمەن جانە مۇعالىمدەردى قولداۋ مەن كاسىبي دامىتۋعا باعىتتالعان ارنايى گرانت يەگەرلەرىمەن كەزدەستى.

قالالىق «الماتىنىڭ جىل مۇعالىمى» بايقاۋىنىڭ گران-پري يەگەرى، 39№ مامانداندىرىلعان ليسەيدىڭ قازاق ءتىلى مەن ادەبيەتى ءپانىنىڭ وقىتۋشىسى نۇرجىگىت امانوۆ Alma City جاڭا تۇرعىن ءۇي كەشەنىنەن پاتەردى سىيلىققا الدى.

ال 1- ورىندى يەلەنگەن 10№ گيمنازيانىڭ فيزيكا ءپانىنىڭ مۇعالىمى دارىن سايىنوۆقا ماشينا بەرىلدى. ەكىنشى جانە ءۇشىنشى ورىن العان 96№ مەكتەپتىڭ باستاۋىش سىنىپ مۇعالىمى رايسا سوي جانە 92№ مامانداندىرىلعان ليتسەيدىڭ حيميا ءپانىنىڭ مۇعالىمى سۋنناتۋللا كاۋمبايەۆ اقشالاي سىياقىمەن ماراپاتتالدى. سونىمەن قاتار، 10 ۇزدىك پەداگوگ، ونىڭ ىشىندە بالاباقشا تاربيەشىلەرى قالا اكىمىنىڭ گرانتتارىن الدى. رەسپۋبليكالىق «ۇزدىك پەداگوگ» بايقاۋى قالالىق تۋرىنىڭ جەڭىمپازدارىنا اقشالاي سىيلىق بەرىلدى.

«ءوز ماماندىعى بويىنشا ۇزدىكتەردى انىقتاۋعا باعىتتالعان شارا دارىندى مۇعالىمدەردى قولداپ، بەدەلىن ارتتىرىپ، وزىق پەداگوگيكالىق تاجىريبەنى ءبولىسۋ ماقساتىندا وتكىزىلەدى»، - دەپ اتاپ ءوتتى باقىتجان ساعىنتايەۆ.

مەكتەپكە جاڭا كەلگەن جاس مۇعالىمدەر ءۇشىن وسىمەن ءۇشىنشى جىل قاتارىنان ءبىر رەتتىك ماتەريالدىق كومەك كورسەتىلەدى. بيىل 556 جاس مامانعا 33 ميلليون تەڭگەدەن استام قارجى بەرىلدى. مۇعالىمدەردىڭ تۇرعىن ءۇي جاعدايىن جاقسارتۋعا ەرەكشە كوڭىل بولىنەدى.

«الماتى جاستارى 3.0» قالالىق باعدارلاماسى بويىنشا وتكەن جىلى ءبىلىم بەرۋ سالاسىنىڭ 307 قىزمەتكەرى پاتەر الدى. بيىل 245 پەداگوگ جەڭىلدەتىلگەن نەسيەنى پايدالاندى. كەزدەسۋ سوڭىندا الماتى اكىمى باىقتجان ساعىنتايەۆ بارلىق پەداگوگتار مەن تالىمگەرلەرگە يگى ەڭبەكتەرىنە تابىس تىلەدى.