تۇركيادا كوروناۆيرۋس قايتا ءورشىدى
بۇل وتە جوعارى كورسەتكىش، دەپ حابارلايدى قازاقپارات ق ر ۇكىمەتى جانىنداعى قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ Telegram كانالىنا سىلتەمە جاساپ.
تۇركيادا COVID-19 ينفەكتسياسىن جۇقتىرۋدىڭ جاڭا ماكسيمالدى دەڭگەيى تىركەلدى - 30563، قايتىس بولعاندار سانى - 188 ادام. سوڭعى رەت جوعارى كورسەتكىش ءساۋىر ايىنىڭ سوڭىندا تىركەلدى، ءبىراق قاتاڭ كارانتين شارالارىنا بايلانىستى ازايعان بولاتىن.
شەكتەۋلەردى الىپ تاستاعاننان كەيىن كۇندەلىكتى ءوسىم قايتا ارتتى. قازىر تۇركيادا ازاماتتاردى ۆاكسيناتسيالاۋ ناۋقانى قارقىندى ءجۇرىپ جاتىر. كوروناۆيرۋسقا قارسى ۆاكسينانىڭ العاشقى دوزاسىن 54 ميلليوننان استام ازامات الدى، ەكى دوزانى العاندار سانى 46 ميلليوننان استام.
فيدجي رەسپۋبليكاسى قىسقا قاراي كوپتەگەن ەلدەردىڭ ساياحاتشىلارى وكەانياداعى وسى ارحيپەلاگقا بارعاندى ۇناتاتىن سالانىڭ جۇمىسىن قالپىنا كەلتىرۋگە نيەتتى.
تۋريستەر ەلگە قاراشا ايىنىڭ ورتاسىندا كىرە باستايدى. ۇكىمەت باسشىسى فرەنك باينيمارامنىڭ ايتۋىنشا، ارالعا ۆاكسيناتسيا كۋرسىنان تولىق وتكەن جانە پ ت ر- تەستىڭ تەرىس ناتيجەسىن ۇسىنعان اۆستراليا، ۇلى بريتانيا، گەرمانيا، جاڭا زەلانديا، وڭتۇستىك كورەيا، ا ق ش، فرانسيا، جاپونيا، شۆەيتساريا، قاتار، كانادا، ب ا ءا جانە يسپانيا ەلدەرىنىڭ ازاماتتارى كەلە الادى.
فيدجيدە پاندەميا باستالعاننان بەرى كوروناۆيرۋس جۇقتىرعان 51 مىڭنان استام ادام انىقتالدى، 653 ادام قايتىس بولدى.
