قازاقستان پويىزدارىندا ايەلدەرگە ارنالعان ۆاگوندار بار

نۇر-سۇلتان. قازاقپارات - «قازاقستان تەمىر جولى» ۇ ك» اكسيونەرلىك قوعامى جولاۋشىلار تاسىمالدايتىن پويىزداردا ايەلدەرگە ارنالعان ۆاگوندارعا بيلەت ساتا باستادى، دەپ حابارلايدى قازاقپارات اكسيونەرلىك قوعامنىڭ رەسمي سايتىنا سىلتەمە جاساپ.

«جولاۋشىلار تاسىمالى» ا ق بيلەتتەردى ەلەكتروندىق ساتۋ جۇيەسىن تۇراقتى تۇردە جەتىلدىرىپ وتىرادى. بيىلعى جىلدىڭ 10- قازانىنان باستاپ كومپانيا ايەل ادامدار ءۇشىن جول ءجۇرۋ قۇجاتتارىن (بيلەتتەردى) رەسىمدەۋ بويىنشا جاڭا قىزمەتتى ىسكە قوستى.

جوبانى ىسكە اسىرۋ ءۇشىن 77/78№ «الماتى - ماڭعىستاۋ» جانە 351/352№ «الماتى-1 - وسكەمەن» جولاۋشىلار پويىزدارىندا ءبىر كۋپە ۆاگونى ىسكە قوسىلدى.

BILET. RAILWAYS. KZ سايتىندا نەمەسە «جولاۋشىلار تاسىمالى» ا ق بيلەت كاسسالارىندا تەمىر جول بيلەتتەرىن راسىمدەۋ كەزىندە «ج ن» (ايەلدەر) بەلگىسى بولعان جاعدايدا بۇل ۆاگون تەك قانا ايەل جولاۋشىلارعا (تولىقتاي ۆاگونعا) بيلەت ساتۋعا ارنالعاندىعىن بىلدىرەدى.

سوندىقتان ەر ادامدار پويىز بيلەتتەرىن ساتىپ العاندا مۇقيات بولۋى كەرەك. بۇل رەتتە اتالعان ۆاگونعا ەرىپ جۇرەتىن ادام بولعان كەزدە 7 جاسقا دەيىنگى ەر بالالاردى رەسىمدەۋگە رۇقسات ەتىلەدى.

ءبىرىنشى رەيسكە (77№ - 58پ. پويىزى، 351№- 34پ. پويىزى) بيىلعى جىلدىڭ 10-قازانىندا ايەلدەر ۆاگونىنا 92 جولاۋشىنىڭ جول ءجۇرۋ قۇجاتتارى (بيلەتتەرىن) راسىمدەلدى.

«ايەل جولاۋشىلار تاراپىنان وسى قىزمەتكە سۇرانىس بولعان جاعدايدا كومپانيا قازاقستان ىشىندەگى مارشرۋتتاردىڭ اۋقىمىن كەڭەيتۋگە جانە ءوز كليەنتتەرى تاراپىنان ۇسىنىستارعا دايىن»، - دەلىنگەن ۇلتتىق كومپانيا مالىمەتىندە.