قازاقستاندا جاساندى ديزەل تاپشىلىعى ماسەلەسى تەكسەرىلمەك

نۇر- سۇلتان. قازاقپارات - ەلىمىزدە ديزەل تاپشىلىعىن قولدان جاساۋ مۇمكىندىگى تەكسەرىلمەك. بۇل تۋرالى ق ر ەنەرگەتيكا ۆيتسە- ءمينيسترى اسەت ماعاۋوۆ ءمالىم ەتتى، دەپ حابارلايدى قازاقپارات ءتىلشىسى.

«قولدا بار ديزەل قورىنا جەدەل مونيتورينگ جۇرگىزۋ ءۇشىن ءبىز ەلىمىزدىڭ بارلىق مۇناي بازالارىن اۆتوماتتى تۇردە ولشەۋ قۇرالىمەن جابدىقتاۋ ماسەلەسىن كوتەردىك. بۇل ەلىمىزدەگى جانار- جاعارماي قورى دەڭگەيىن انىقتاۋ مەن قاداعالاۋعا مۇمكىندىك بەرەدى. سونداي- اق، قارجى مينيسترلىگى، قارجىلىق مونيتورينگ جانە باسەكەلەستىكتى قورعاۋ جانە دامىتۋ اگەنتتىكتەرىمەن بىرلەسىپ ءىرى مۇناي بازالارىندا ديزەل وتىنىنا دەگەن تاپشىلىقتى قولدان جاساۋ جانە شەكتەۋ ماسەلەسىن تەكسەرۋ جاعى پىسىقتالىپ جاتىر»، - دەدى اسەت ماعاۋوۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ونىڭ ايتۋىنشا، ەل كولەمىندە وسى ايدا 300 مىڭ توننادان استام ديزەل وندىرىلەدى.

«مينيسترلىك تاراپىنان قابىلدانعان شارالاردى ەسكەرە وتىرىپ، قازان ايىندا 330 مىڭ توننا كولەمىندە ديزەل وتىنىن ءوندىرۋ جوسپارلانىپ وتىر. قازاننىڭ 1 ونكۇندىگىندە 130 مىڭ توننا ديزەل ءوندىرىلدى. ودان بولەك 80-100 مىڭ توننا كولەمىندەگى ديزەلدى سىرتتان اكەلۋ مىندەتى تۇر. سول ارقىلى ىشكى نارىق سۇرانىسىن قامتاماسىز ەتپەكپىز»، - دەيدى ول.

بۇعان دەيىن اسەت ماعاۋوۆ ەلدەگى ديزەل تاپشىلىعى ماسەلەسى قالاي شەشىلىپ جاتقانىن ايتىپ بەردى.

ودان بولەك، مينيستر ورىنباسارى ىشكى نارىقتى بەنزينمەن قامتۋعا قاتىستى تۇسىنىكتەمە بەرىپ ءوتتى.

اۆتور: ءالي يبرايەۆ