16:29, 12 - قازان 2021 | GMT +5
تۇركيا سيريادان تونگەن لاڭكەستىك قاۋىپپەن كۇرەسەدى
نۇر- سۇلتان. قازاقپارات- تۇركيا بۇدان بىلاي سيريانىڭ سولتۇستىگىنەن تونگەن لاڭكەستىك قاۋىپكە ءتوزىپ وتىرا المايدى، دەپ حابارلايدى «حابار 24».
ونىمەن كۇرەسۋ ءۇشىن شەشىمدى ارەكەت ەتۋگە دايىن. پرەزيدەنت رەجەپ تايىپ ەردوعان شام ەلىندەگى كۇردىستان جۇمىسشى پارتياسى قارۋلى توپتارىنىڭ ارەكەتىنە بايلانىستى وسىلاي دەپ مالىمدەدى. سەبەبى كەشە زىمىراندىق اتقىلاۋدان كەيىن 2 تۇرىك ساربازى قازا تاۋىپ، بىرنەشە جاۋىنگەر جارالانعان ەدى. وسىعان بايلانىستى انكارا سيريانىڭ سولتۇستىگى تۇركياعا قارسى ارەكەت ەتىپ جاتقان لاڭكەستىك توپتاردىڭ وشاعىنا اينالدى دەپ ايىپتاپ وتىر.
رەجەپ تايىپ ەردوعان، تۇركيا پرەزيدەنتى:
- سيريانىڭ ءبىرقاتار ايماعىنان ەلىمىزگە قارسى جاسالىپ جاتقان ارەكەتتەرگە بۇدان بىلاي توزە المايمىز. ءبىز جۋىق ارادا سيريانىڭ سولتۇستىگىنەن تونگەن قاۋىپتى جويۋ ءۇشىن قاجەتتى شارالاردى قولعا الامىز.
