اسحات ايماعامبەتوۆ مەكتەپتەردە قانداي وزگەرىستەر بولاتىنىن ايتتى
بۇل تۋرالى ۇكىمەت وتىرىسىندا «BILIMDI ŪLT» بارشاعا ارنالعان ساپالى ءبىلىم» ۇلتتىق جوباسىن تانىستىرۋ كەزىندە ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى، دەپ حابارلايدى قازاقپارات ءتىلشىسى.
«مەكتەپتەردى جايلى، قاۋىپسىز جانە زاماناۋي ءبىلىم بەرۋ ورتاسىمەن قامتاماسىز ەتۋگە توقتالساق، وقۋشى ورىندارىنىڭ تاپشىلىعىن جويۋ ءۇشىن 2025 -جىلعا قاراي 1000 مەكتەپتىڭ قۇرىلىسى جوسپارلانۋدا. ناتيجەسىندە، ءۇش اۋىسىمدى مەكتەپتەردى تولىعىمەن جويۋ كۇتىلۋدە. 2025 -جىلعا قاراي شاعىن قالالاردا، اۋدان ورتالىقتارىندا جانە اۋىلداردا 5000 مەكتەپ جاڭعىرتىلادى. ونىڭ اياسىندا بالالارعا قاۋىپسىز جانە قولايلى جاعداي جاساۋ، جوعارى جىلدامدىقتى ينتەرنەتپەن قامتاماسىز ەتۋ، مەكتەپ جيھازىن جاڭارتۋ، مەكتەپ كىتاپحانالارىن جانە اسحانالاردى جاڭعىرتۋ، كۇردەلى جانە اعىمداعى جوندەۋ جۇمىستارى جۇرگىزىلەدى»، - دەدى ا. ايماعامبەتوۆ.
ونىڭ ايتۋىنشا، مەكتەپتەردىڭ %90 ى پاندىك كابينەتتەرمەن جانە %100 ى قاۋىپسىز كىرۋ، كۇزەت جانە باقىلاۋ جۇيەسىمەن قامتاماسىز ەتىلەدى.
«ينكليۋزيۆتى ورتادا بالالاردى پسيحولوگيالىق- پەداگوگيكالىق قولداۋمەن قامتاماسىز ەتۋ ءۇشىن ەرەكشە قاجەتتىلىكتەرى بار بالالارعا ارنالعان ۇيىمداردىڭ جۇمىس ىستەۋ نورماتيۆىن 50 مىڭ بالاعا ءبىر وسىنداي ورتالىق ەسەبىنەن جاڭارتۋ بويىنشا جۇمىس جۇرگىزىلەتىن بولادى. ونىڭ ناتيجەسىندە مۇنداي 43 ورتالىق اشىلادى. بۇدان باسقا، ەرەكشە بالالاردى ارنايى پسيحولوگيالىق- پەداگوگيكالىق قولداۋعا مەملەكەتتىك ءبىلىم بەرۋ تاپسىرىسى ورنالاستىرىلاتىن بولادى»، - دەدى مينيستر.
بۇدان بۇرىن حابارلانعانداي، بارلىق بالاباقشادا بالانى دامىتۋدىڭ جاڭا مودەلى ەنگىزىلەدى.
اۆتور: رۋسلان عابباسوۆ
