قاراعاندى اتتراكسيونىنداعى ايەلدىڭ ءولىمى: كۇدىكتى ۇستالدى
پوليتسيا قاۋىپسىزدىك شارالارىن ورەسكەل بۇزدى دەگەن كۇدىكپەن ارقانمەن سەكىرۋ اتتراكسيونىنىڭ 32 جاستاعى قىزمەتشىسىن ۇستادى. كۇدىكتى ۋاقىتشا ۇستاۋ يزولياتورىنا قامالدى.
«تەرگەۋ بارىسىندا قاۋىپسىزدىك شارالارىن ورەسكەل بۇزعان 32 جاستاعى اتتراكسيون نۇسقاۋشىسى انىقتالدى. كۇدىكتى ق ر ق ى ج ك 128-بابىنا سايكەس ۇستالىپ، ۋاقىتشا ۇستاۋ يزولياتورىنا قامالدى. قازىر تەرگەۋ امالدارى جۇرگىزىلىپ جاتىر»، - دەدى قاراعاندى وبلىسى پوليتسيا دەپارتامەنتىنىڭ باستىعى ەرلان فايزۋللين.
ەسكە سالايىق، 10-قازاندا قاراعاندىدا ارقانمەن سەكىرۋ كەزىندە شاحتينسك قالاسىنىڭ 33 جاستاعى تۇرعىنى ەۆگەنيا لەونتيەۆا قايتىس بولدى. ايەلگە 4-قازاندا تۋعان كۇنىنە 30 مەترلىك بيىكتىكتەن سەكىرۋ سەرتيفيكاتى بەرىلگەن. سەكىرۋ كەزىندە ول بەتون كونسترۋكسياسىنا سوعىلىپ، اۋىر جاراقات الدى. دارىگەرلەر كرانيوتوميا جاسادى، ءبىراق ونى قۇتقارا المادى. مارقۇمنىڭ ءۇش بالاسى مەن كۇيەۋى بار.
