الماتىدان ۇشقان ۇشاق قايتا قونۋعا ءماجبۇر بولدى

الماتى. قازاقپارات - اقتوبەگە ۇشىپ شىققان ۇشاق الماتى اۋەجايىنا قايتا ورالدى، دەپ حابارلايدى قازاقپارات ءتىلشىسى.

«ەير استانا» اۋە كومپانياسىنىڭ مالىمەتىنشە «الماتى- اقتوبە» باعىتىنا قاتىنايتىن K 863 ۇشاعى بۇگىن الماتىدان 05:30-دا ۇشىپ شىقتى.

«تەحنيكالىق سەبەپتەرگە جانە بارا جاتقان اۋەجايدا تەحنيكالىق قىزمەتتىڭ كورسەتىلمەيتىندىگىنە بايلانىستى كوماندير كەرى ورالۋ تۋرالى شەشىم قابىلدادى»، - دەپ حابارلادى اۋە كومپانيانىڭ باسپا ءسوز قىزمەتى.

قونۋ، ادەتتەگىدەي، قالىپتى جاعدايدا ءوتتى.

«ۇشاق ءوز رەيسىن ساعات 15:40-تا ورىندايدى. جولاۋشىلارعا تاماق پەن سۋسىن بەرىلەدى» - دەپ تولىقتىردى كومپانيا.

اۆتور: الما مۇقانوۆا