ارمەنيادان اۆتوكولىكتەر ساتىپ الماق بولعان قازاقستاندىق الاياقتارعا الدانىپ قالعان

ەرەۆان. قازاقپارات - ارمەنياداعى اۆتوكولىك ساتۋشىسى قازاقستان ازاماتىنان تولەم الىپ، مامىلە شارتتارىن ورىنداماعان جانە الىنعان سومانى يەمدەنگەن، دەپ حابارلايدى قازاقپارات مەنشىكتى ءتىلشىسى ارمەنيا رەسپۋبليكاسى پوليتسياسىنىڭ حابارلاماسىنا سىلتەمە جاساپ.

ارمەنيا رەسپۋبليكاسى پوليتسياسىنىڭ حابارلاۋىنشا، ەريەۆان قالاسى ەرەبۋني اۋدانى پوليتسيا بولىمشەسىنىڭ قىلمىستىق ىزدەستىرۋ قىزمەتكەرلەرى 28- قىركۇيەكتە ەر ادامنىڭ قازاقستان ازاماتىنا 6 اۆتوكولىكتى ودان ءارى قازاقستانعا تاسىمالداۋ شارتىمەن ساتقانى تۋرالى، ول ءۇشىن 72200 دوللار سوماسىندا تولەم العانى تۋرالى جەدەل دەرەكتەر العان.

ەر ادام كەلىسىمدەردى ورىنداماعان، وىسىمەن قويماي اقشانى ۇرلاپ العان. جەدەل-ىزدەستىرۋ شارالارىنىڭ ارقاسىندا ەر ادامنىڭ كىم ەكەنى انىقتالعان.

«26 جاستاعى جاس جىگىت كولىكتەردى تۋىسىنىڭ اتىنا تىركەگەن. كەيبىر اۆتوموبيلدەر قازىردىڭ وزىندە ساتىلىپ كەتكەن، ال قالعاندارى نۋباراشەندەگى (ەريەۆاننىڭ اكىمشىلىك اۋدانى) اۆتوتۇراققا جاسىرىلعان. جابىرلەنۋشى ارىز بەرگەن، وسى فاكتى بويىنشا قىلمىستىق ءىس قوزعالدى. ەرەبۋني اۋداندىق پوليتسيا بولىمشەسىنىڭ قىزمەتكەرلەرى مەن قوعامدىق پوليتسيا قىزمەتكەرلەرىنىڭ بىرلەسكەن ءىس-شارالارىنىڭ ارقاسىندا 7- قازاندا 26 جاستاعى جىگىت ۇستالىپ، ەرەبۋني اۋداندىق پوليتسيا بولىمشەسىنە جەتكىزىلدى. ءتۇسىندىرۋ جۇمىستارىنىڭ ناتيجەسىندە پوليتسيا بولىمشەسىنە جاس جىگىتتىڭ تۋىسى دا كەلدى. ەكەۋى دە الدىن الا تەرگەۋ ورگانىنا تاپسىرىلدى جانە ۇستالدى. ۇرلانعان سومانى انىقتاۋ بويىنشا شارالار قولدانىلۋدا، تەرگەۋ جۇرگىزىلۋدە»، - دەلىنگەن ارمەنيا رەسپۋبليكاسى پوليتسياسىنىڭ حابارلاماسىندا.