وسى كۇنگە دەيىن زيان دەپ كەلگەن ونىمدەردىڭ پايداسى

نۇر-سۇلتان. قازاقپارات - وسى كۇنگە دەيىن ءبىز اڭگىمەلەگەلى وتىرعان ونىمدەردى تۇتىنۋ ادام اعزاسىنا زيان دەپ كەلدى. ءبىراق ولاردى دۇرىس پايدالانۋدىڭ پايداسى دا جوق ەمەس.
None
None

سول سەبەپتى سۇيىكتى تاعامىڭىزدى راتسيونعا قايتارۋعا اسىعىڭىز.

كارتوپ

ارينە، كۇندە كارتوپقا پياز قوسىپ قۋىرىپ جەي بەرسەڭىز، قىلداي بەلدى تەك تۇسىڭىزدە عانا كورەسىز. ءبىراق ءتۇرلى دامدەۋىش شوپتەر مەن زايتۇن مايى قوسىپ پەشتە پىسىرىلگەن كارتوپقا كەلەتىن بولساق، ونىڭ ءجونى بولەك. مۇنداي جاعدايدا ءسىز س، ۆ6 دارۋمەندەرىنىڭ، تەمىردىڭ، فوسفوردىڭ، كالتسيدىڭ، كاليدىڭ تاماشا كومبيناتسياسىن الاسىز. بۇل ءسىزدىڭ اعزاڭىزعا كەرەمەت پايدا بەرەدى.

سارىماي

مايدىڭ، شىندىعىندا، ا، ۆ، س، د، ە جانە ك دارۋمەندەرىنىڭ، سونىمەن قاتار ومەگا-3 جانە ومەگا-6 ماي قىشقىلدارىنىڭ قۇندى كوزى ەكەنى ءمالىم. تاڭعى اسقا جاڭا پىسكەن نانعا جاعىپ جەسەڭىز، پايدالى دارۋمەندەردىڭ قاجەت مولشەرىن الاسىز.

شوكولاد

بۇل ءونىم كۇشتى انتيوكسيدانت سانالادى، ول تەرىنىڭ جاس كورىنۋىنە كومەكتەسەدى. ءبىراق قۇرامىندا قانت مولشەرى از، ناعىز كاكاو داندەرىنەن جاسالعان شوكولادتى تاڭداڭىز (كەم دەگەندە %70).

پوپكورن

بۇل كينوتەاترلارداعى كارامەل قوسىپ جاسالعان پوپكورن تۋرالى ەمەس. ءبىراق ەگەر ءسىز «تازا» پوپكورندى ءوز قولىڭىزبەن جاساپ، وعان گيمالاي تۇزىن قوسساڭىز، جۇگەرىدەن اسقان پايدالى تاماق بولماس ەدى.

كوفە

ديەتولوگتار ءسۇت پەن قۇلپىناي سيروپى قوسىلعان ەكى ستاكان ەسپرەسسو ميدىڭ جۇمىسىن جاقسارتادى، مەتابوليزمدى جەدەلدەتەدى جانە ورتالىق جۇيكە جۇيەسىنە وڭ اسەر ەتەدى دەپ سەندىرەدى. سونىمەن قاتار، كوفەنىڭ قۇرامىندا لينول قىشقىلى بار، ول تەرىنى تاماشا قالپىنا كەلتىرەدى جانە تەرىنىڭ قارتايۋىن باسەڭدەتەدى. تەك وعان قانت قوسپاڭىز.

بالمۇزداق

عالىمدار بالمۇزداقتىڭ زيان ەمەس ەكەنىن دالەلدەدى. ول انتيدەپرەسسانت رەتىندە ارەكەت ەتەدى، سترەسستى جەڭىلدەتەدى جانە تىنىشتاندىرادى. ارينە، ءبىز تەك كونسەرۆانتتار مەن بوياعىشتار قوسىلماعان، تابيعي سۇتتەن نەمەسە كىلەگەيدەن جاسالعان بالمۇزداق تۋرالى ايتىپ وتىرمىز.

massaget.kz

سوڭعى جاڭالىقتار