ا. سوي جالعان ۆاكسينالاۋ پاسپورتى تۋرالى: ادامدار ءوزىن-ءوزى الداپ جاتىر

نۇر-سۇلتان. قازاقپارات - بۇگىن ماجىلىستەگى ۇكىمەت ساعاتىندا دەنساۋلىق ساقتاۋ ءمينيسترى الەكسەي سوي ۆاكسينالاۋدىڭ جالعان پاسپورتتارىن ساتىپ الۋعا قانداي توسقاۋىل قويىلىپ جاتقانىن ايتتى، دەپ حابارلايدى قازاقپارات ءتىلشىسى.

«جۇمىسىنا ادال قارامايتىن ارىپتەستەرىمىز دە بار ەكەنى وكىنىشتى. بۇل تۇرعىدا «بيزنەستىڭ يندۋسترياسى» بايقالدى. وسى ورايدا ءبىز وسى ماسەلەنى شەشۋ ءۇشىن ءبىرىنشى بولىپ باستاما جاساپ، قۇقىق قورعاۋ ورگاندارىنان جەدەل جۇمىستاردى جۇرگىزۋدى سۇرادىق. ياعني سالادا ءوزى ىسىنە ادال ەمەس ارىپتەستەرىمىزدى انىقتاۋ كەرەك بولدى. بۇل رەتتە 90 نان استام قىلمىستىق ءىس قوزعالدى، ونىڭ جارتىسىنان استامى پ ت ر-تەست ناتيجەلەرىن قولدان جاساۋعا، ال قالعانى ۆاكسينالاۋ پاسپورتىنا قاتىستى. ءاربىر پۋنكت بويىنشا تەكسەرىلەدى. سوت شەشىمى شىققاننان كەيىن، بارلىق جالعان پاسپورتتار بازادان وشىرىلەدى. ءبىرقاتار ۇيىمداردا كامەرالار ورناتىلدى. سونىمەن قاتار ىشكى قاداعالاۋ بار، مەديتسينالىق ۇيىمدار وزدەرى دە تەكسەرۋ جۇرگىزەدى»، - دەدى ا. سوي.

وسى ورايدا ول ۆاكسينا الۋ ارقىلى ىندەتتىڭ تارالۋىن تەجەۋگە مۇمكىن بولاتىنىن ايتتى. سونىمەن قاتار، ك ۆ ي-دىڭ جەڭىل وتۋىنە جاعداي جاسالادى.

«شىنىن ايتقاندا، بۇل ماسەلەگە قاتىستى حالىققا تۇسىندىرۋگە تىرىسىپ جاتىرمىز. ادامدار ءوزىن-ءوزى (جالعان پاسپورت ارقىلى) الداپ جاتىر. دەنساۋلىعىن قورعامايتىن قاعازدى ساتىپ العاننان نە پايدا؟ كىمدى الداپ جاتىر؟!»، - دەدى مينيستر.