ەلىمىزدە كوروناۆيرۋسقا قارسى ۆاكسينالاۋ قارقىنى قانداي

نۇر-سۇلتان. قازاقپارات - دەنساۋلىق ساقتاۋ ءمينيسترى الەكسەي سوي ك ۆ ي-گە قارسى ۆاكسينالاۋ قارقىنى تۋرالى ايتتى، دەپ حابارلايدى قازاقپارات ءتىلشىسى.

ونىڭ ايتۋىنشا، قازىرگى ۋاقىتتا رەسپۋبليكا ازاماتتارىنا «گام-كوۆيد-ۆاك» (سپۋتنيك ۆ)، «QazVac» جانە «Hayat-Vax»، «كوروناۆاك»، «سينوفارم» سىندى بەس ءتۇرلى ۆاكسينا قولجەتىمدى.

«11-قازانداعى جاعداي بويىنشا ەلىمىز بويىنشا قامتىلۋى ءتيىس كونتينگەنتتىڭ 78 پايىزى نەمەسە حالىق سانىنىڭ 41 پايىزى ءبىرىنشى كومپونەنتپەن ەگىلدى. سونىمەن قاتار، ەكىنشى كومپونەنتتى ۆاكسينا الۋى ءتيىس تۇرعىنداردىڭ 69 پايىزى سالدىردى»، - دەدى ا. سوي ماجىلىستەگى ۇكىمەت ساعاتىندا.

ونىڭ سوزىنە قاراعاندا، Pfizer كومپانياسىنىڭ ۆاكسيناسى 12-17 جاس ارالىعىنداعى بالالار مەن جۇكتى ايەلدەرگە رۇقسات ەتىلگەن جالعىز ەكپە بولىپ تۇر.

«وسىعان بايلانىستى مينيسترلىك Pfizer كومپانياسىمەن 2021 -جىلدىڭ سوڭىنا دەيىن 4 ميلليون دوزا ۆاكسينانى جەتكىزۋ بويىنشا شارتقا قول قويدى»، - دەدى مينيستر.

اۆتور: رۋسلان عابباسوۆ