قازاقستاندا كوروناۆيرۋستىڭ قانداي شتامدارى تىركەلدى

نۇر-سۇلتان. قازاقپارات - قازاقستاندا ۆيرۋستاردى گەنەتيكالىق زەرتتەۋ جۇرگىزىلىپ جاتىر. بۇل تۋرالى دەنساۋلىق ساقتاۋ ءمينيسترى الەكسەي سوي ايتتى، دەپ حابارلايدى قازاقپارات ءتىلشىسى.

«مينيسترلىك ۆيرۋستىڭ ەلگە كىرگەن جاعدايى مەن مۋتاتسيالىق وزگەرۋىنە مونيتورينگتى قامتاماسىز ەتۋ ءۇشىن تۇراقتى تۇردە ۆيرۋستاردى گەنەتيكالىق زەرتتەۋ جۇرگىزىلىپ جاتىر»، - دەدى الەكسەي سوي ماجىلىستەگى ۇكىمەت ساعاتىندا.

ونىڭ ايتۋىشا، 2020-2021 -جىلدارى 1407 سىناما زەرتتەلدى. وسىنىڭ ناتيجەسىندە ناۋرىزدا «بريتاندىق» Alpha شتامم، «وڭتۇستىك افريكالىق» Beta شتامم، ماۋسىمدا «ۇندىلىك» Delta شتامم، تامىزدا «نيگەريالىق» Eta شتامم انىقتالدى.

«SARS- CoV-2 ۆيرۋسىنىڭ ءتۇرلى نۇسقالارىنىڭ تارالۋىن انىقتاۋ مەن مونيتورينگىلەۋ جۇمىستارى جالعاسىپ جاتىر»، - دەدى مينيستر.

ايتا كەتەيىك، الەكسەي سوي قازاقستاندا ك ۆ ي جۇقتىرۋ قارقىنى بويىنشا ءتورت تولقىنى وتكەنىن ءمالىم ەتتى.

اۆتور: رۋسلان عابباسوۆ