قىتايدا حالىقتى بۋستەرلىك ۆاكسينالاۋ ناۋقانى باستالدى

بەيجىڭ. قازاقپارات - قىتايدىڭ ءبىرقاتار پروۆينسياسىندا حالىقتىڭ نەگىزگى بولىگىن بۋستەرلىك (الدىڭعى ەكى ۆاكسينانىڭ كۇشىن نىعايتا ءتۇسۋ ءۇشىن قاجەت - ەسك.) ۆاكسينالاۋ شاراسى باستالدى، دەپ حابارلايدى قازاقپاراتتىڭ مەنشىكتى ءتىلشىسى.

جەرگىلىكتى ب ا ق-تىڭ حابارلاۋىنشا، قىتايدىڭ انحوي، فۋجيان، حۋبي، حيلۋڭجياڭ پروۆينسيالارىنىڭ ءبىرقاتار قالاسىندا جانە گۋانشي-جۋاڭزۋ اۆتونوميالىق اۋدانىندا وتكەن دەمالىس كۇندەرى حالىقتىڭ نەگىزگى بولىگىن قايتادان ۆاكسينالاۋ ناۋقانى باستالدى.

فۋجيان پروۆينسياسىنىڭ جينجياڭ قالاسىندا (شىعىس قىتاي) حالىقتىڭ وسال توپتارىنا COVID-19-عا قارسى پرەپاراتتىڭ ءۇشىنشى دوزاسىن سالدىرتۋ 20-قازانعا دەيىن اياقتالۋى ءتيىس.

اتالمىش پروۆينسيانىڭ تاعى ءبىر قالاسى سيامەندە 12 جاستان اسقان ازاماتتار كوروناۆيرۋسقا قارسى ۆاكسينانىڭ قوسىمشا دوزالارىن الا باستايدى.

اۆتور: ءبيبىحان سەرىكوۆا