الداعى كۇندەرى ەلىمىزدىڭ كەي ايماقتارىندا قار جاۋىپ، كوكتايعاق بولادى

نۇر-سۇلتان. قازاقپارات - قازگيدرومەت 12-14-قازانعا ارنالعان اۋا رايى بولجامىن جاريالادى، دەپ حابارلايدى قازاقپارات.

«انتيسيكلوننىڭ اسەرىنەن قازاقستاننىڭ باسىم بولىگىندە جاۋىن- شاشىنسىز اۋا رايى كۇتىلەدى. تەك سولتۇستىك، شىعىس جانە وڭتۇستىك- شىعىس ايماقتارىندا جاڭبىر مەن قار تۇرىندە جاۋىن- شاشىن تۇسەدى. 12-قازاندا تاۋلى اۋدانداردا قاتتى جاۋىن-شاشىن بولادى. سونداي-اق، رەسپۋبليكا بويىنشا تۇندە جانە تاڭەرتەڭ تۇمان، سولتۇستىكتە - كوكتايعاق، باتىستا جانە وڭتۇستىكتە شاڭدى داۋىل بولجانادى. باتىستا جانە سولتۇستىك- باتىستا كۇندىزگى تەمپەراتۋرا 20 گرادۋسقا دەيىن جوعارلايدى، سولتۇستىكتە، شىعىستا جانە ورتالىقتا 15 گرادۋسقا دەيىن، وڭتۇستىك ايماقتاردا 20 گرادۋسقا دەيىن جىلى بولجانادى»، - دەلىنگەن حابارلامادا.