مينيستر قازاقستان كوروناۆيرۋستان قاي ايماقتا تۇرعانىن ايتتى

نۇر-سۇلتان. قازاقپارات - پارلامەنت ماجىلىسىندەگى ۇكىمەت ساعاتىندا دەنساۋلىق ساقتاۋ ءمينيسترى الەكسەي سوي كوروناۆيرۋس ىندەتى بويىنشا قاي وڭىرلەر «قىزىل» ايماقتا ەكەنىن ايتتى، دەپ حابارلايدى قازاقپارات ءتىلشىسى.

«دەنساۋلىق ساقتاۋ مينيسترلىگى ەپيدەميولوگيالىق احۋالدى باعالاۋدى بولجام مەن ماتريتسا نەگىزىندە جۇرگىزەدى. وسى ورايدا شەكتەۋ ءىس- شارالار كۇشەيتۋ مەن جەڭىلدەتۋ بويىنشا شەشىم قابىلدانادى»، - دەدى ا. سوي.

ونىڭ ايتۋىنشا، قازىرگى كەزدە قازاقستاننىڭ ءوزى جانە ەلىمىزدىڭ 6 ءوڭىرى (الماتى، اقتوبە، قوستاناي، قاراعاندى، باتىس قازاقستان جانە شىعىس قازاقستان) «سارى» ايماقتا تۇر. «جاسىل» ايماقتا دا 6 ءوڭىر (شىمكەنت قالاسى، تۇركىستان، جامبىل، ماڭعىستاۋ، اتىراۋ جانە قىزىلوردا وبلىستارى) قامتىلعان. ال «قىزىل» ايماقتا 5 ءوڭىر (نۇر-سۇلتان مەن الماتى قالالارى، پاۆلودار، اقمولا جانە سولتۇستىك قازاقستان وبلىستارى) ورنالاسقان.