قىركۇيەك ايىندا قانداي ماماندىقتارعا سۇرانىس ارتتى

نۇر- سۇلتان. قازاقپارات - قىركۇيەك ايىندا ەلىمىزدە اۆتوكولىك جۇرگىزۋشىلەرى، تاربيەشىلەر، جۇك تيەۋشىلەر تاپشى بولدى. بۇل تۋرالى ەڭبەك رەسۋرستارىن دامىتۋ ورتالىعىنان ءمالىم بولدى، دەپ حابارلايدى قازاقپارات.

قىركۇيەكتە بارلىق وڭىرلەر بولىنىسىندە بوس ورىندار سانىنىڭ جالپى ءوسىمى اياسىندا الماتى قالاسىندا ( % 10 - ) جانە ماڭعىستاۋ وبلىسىندا ( % 7 - ) بوس جۇمىس ورىندارىنىڭ قىسقارۋى بايقالادى. سونىمەن قاتار، وتكەن ايدا جاريالانعان بوس ورىندار سانى بويىنشا 12,6 مىڭ كورسەتكىشپەن (ءوسىم 6,6 مىڭ بوس ورىن نەمەسە % 109 ) الماتى وبلىسى كوشباسشى بولدى.

«ەكىنشى جاعىنان، بوس جۇمىس ورىندارى سياقتى، جۇمىس ىزدەۋشىلەر بەلسەندىلىگىنىڭ ەڭ كوپ تومەندەۋى الماتى قالاسىندا ( % 24 - ) جانە ماڭعىستاۋ وبلىسىندا ( % 21 - ) بايقالادى. سونىمەن قاتار، تۇيىندەمەنىڭ ەڭ كوپ ءوسىمى اقمولا ( % 40 + ) جانە سولتۇستىك قازاقستان ( % 39 + ) وبلىستارىندا بولدى، ولاردا باسقا وڭىرلەرمەن سالىستىرعاندا جالپى تۇيىندەمەلەردىڭ ەڭ از سانى بايقالادى - تيىسىنشە 1,6 مىڭ جانە 2 مىڭ»،-دەلىنگەن ورتالىق مالىمەتىندە.

مۇنىمەن قوسا، بىلىكتى ماماندار اراسىندا تۇيىندەمە مەن بوس جۇمىس ورىندارىن سالىستىرۋ كەزىندە ينتەرۆيۋەرلەرمەن قاتار، كۇزەتشىلەر (504 تۇيىندەمە جانە 2,3 مىڭ بوس جۇمىس ورنى) ، اۆتوكولىك جۇرگىزۋشىلەرى (948 تۇيىندەمە جانە 2 مىڭ بوس جۇمىس ورنى) ، سونداي- اق تاربيەشىلەر (1,3 مىڭ تۇيىندەمە جانە 2,3 مىڭ بوس جۇمىس ورنى) جەتىسپەيدى.

بىلىكتىلىكتى تالاپ ەتپەيتىن كاسىپتەر اراسىندا كومەكشى جۇمىسكەرلەر، جۇك تيەۋشىلەر، ءارتۇرلى جۇمىستاردى ورىندايتىن جۇمىسشىلار، اس ءۇي قىزمەتكەرلەرى جانە مەكتەپتەردەگى تازالاۋشىلار تاپشى.

بۇدان بۇرىن حابارلانعانداي، قىركۇيەك ايىندا ءبىلىم بەرۋ سالاسىنداعى ماماندارعا دەگەن سۇرانىس ارتىپ وتىر. 18 مىڭنان استام بوس جۇمىس ورنى تىركەلىپ، بۇل مەكتەپتەردە، كوللەدجدەردە جانە ج و و- لاردا ءداستۇرلى وقىتۋ فورماتىنا قايتا ورالۋعا بايلانىستى قالىپتاستى.