ەلوردادا تاكسي جۇرگىزۋشىسى جولاۋشىسىنىڭ كولىكتە قالدىرىپ كەتكەن تەلەفونىنان وزىنە اقشا اۋدارعان
نۇر- سۇلتان قالالىق پوليتسيا دەپارتامەنتى باسپا ءسوز قىزمەتىنىڭ حابارلاۋىنشا، ىشكى ىستەر ورگاندارىنا ەلوردا تۇرعىنى حابارلاسىپ، ءوزىنىڭ تاكسي سالونىندا تەلەفونىن قالدىرىپ كەتكەنىن ايتقان. ال ءبىر تاۋلىكتەن كەيىن، ياعني تەلەفون تابىلعان سوڭ «سبەربانك» قوسىمشاسى ارقىلى تەلەفونىنان 143880 تەڭگە كولەمىندە اقشا اۋدارىلعانىن بىلگەن.
تەكسەرۋ بارىسىندا ءمالىم بولعانىنداي، 24 جاستاعى «پىسىق» جۇرگىزۋشى كولىگىنىڭ سالونىنان تەلەفون تاۋىپ العان سوڭ، ونداعى اقشانى وزىنە اۋدارىپ الماق بولعان. قۇپياسوزدى سۇراعاندا، «قۇپيا ءسوزدى ۇمىتتىم» دەگەن بەلگىنى باسقان. «ۇرلىق» ارەكەتى بويىنشا قىلمىستىق ءىس قوزعالدى. نۇر- سۇلتان قالاسىنىڭ پوليتسيا دەپارتامەنتىن مۇنداي جاعدايعا تاپ بولعان كەزدە بىردەن بانككە حابارلاسىپ، كارتانى بۇعاتتاپ، ارتىنان پوليتسياعا حابار بەرۋ قاجەتتىگىن ەسكەرتتى.
