ونلاين سوت وتىرىستارىنا قويىلاتىن حالىقارالىق تالاپتار قانداي؟
«كوپتەگەن قىلمىستىق جانە ازاماتتىق پروتسەستەردە جەكە تاراپتار مەن ولاردىڭ ادۆوكاتتارى ادەتتە سوتقا جەكە قاتىسادى. الايدا، COVID-19 ىندەتىنىڭ ءورشۋى سالدارىنان كوپتەگەن سوت ورگاندارى قاتىسۋشىلاردى ونلاين قۇرالدارمەن شەكتەپ وتىر. ءبىز COVID-19 پاندەمياسى سياقتى توتەنشە جاعدايلار كەزىندە دە كەز كەلگەن ادامنىڭ قىلمىستىق ىسكە كوزبە-كوز قاتىسۋ قۇقىعىن تولىق ساقتاۋ كەرەك دەپ ەسەپتەيمىز. اتاپ ايتقاندا، ۇلتتىق زاڭدار مەن ەرەجەلەر، سوتتار مەن باسقا دا بيلىك ورگاندارى ايىپتالۋشىنى سوت پروتسەسىنە كوزبە-كوز قاتىسۋدان شەكتەۋگە جول بەرمەۋى كەرەك. اسىرەسە قىلمىستىق ىستەردى قاراۋ كەزىندە سوت وتىرىسىنا تىكەلەي قاتىستىرۋدان باس تارتىپ، ورنىنا بەينەبايلانىس ارقىلى قاتىسۋعا ماجبۇرلەۋگە بولمايدى»، - دەگەن تيمۋر شاكيروۆ سوت پروتسەسىنە قىزىعۋشىلىق تانىتۋشىلاردىڭ مۇددەسىن قورعاۋدىڭ ماڭىزدىلىعىنا توقتالدى.
«قوعامنىڭ جەكەلەگەن وكىلدەرىنىڭ ءوتىنىشى بويىنشا بەينەجازباعا قول جەتكىزۋ نەمەسە پروتسەستى ءبىر ۋاقىتتا تاراتۋ سياقتى نۇسقالار ارقىلى سوت تىڭداۋلارىنىڭ جاريالىلىعى ساقتالۋعا ءتيىس. قاشىقتان تىڭداۋلار وتكىزۋ كەزىندە سوتتار گەندەرلىك زورلىق-زومبىلىق قۇرباندارىنا، بالالار مەن مۇمكىندىگى شەكتەۋلى ادامدارعا قوسىمشا قولداۋ كورسەتىلۋىن قامتاماسىز ەتۋگە ءتيىس. وسى ماقساتتا، بەينەبايلانىس ناقتى تىڭداۋ ءۇشىن جارامدى ما، جوق پا دەگەن ساۋالعا جاۋاپ الىنىپ، قاتىسۋشىلاردىڭ مۇمكىندىگى ساراپتالۋى كەرەك. ەگەر مۇنداي شارالار قابىلدانباسا، ايىپتالۋشىنىڭ، جابىرلەنۋشىلەردىڭ جانە كۋالاردىڭ قۇقىقتارىن ەسكەرە وتىرىپ، ءىستى قاراۋدى كەيىنگە قالدىرۋ مۇمكىندىگىن قاراعان ءجون»، - دەدى حالىقارالىق ساراپشى ونلاين وتىرىس بارىسىندا.
شارا نۇر-سۇلتانداعى ە ق ى ۇ باعدارلامالار وفيسى، قازاقستان رەسپۋبليكاسىنىڭ جوعارعى سوتى جانە قۇقىقتىق ساياساتتى زەرتتەۋ ورتالىعىنىڭ ۇيىمداستىرۋىمەن ءوتتى.
