پارا العانى ءۇشىن تۇرمەگە قامالعان قازاقستاندىق ەكس-اكىم مەرزىمىنەن بۇرىن بوسادى

وسكەمەن. قازاقپارات - پارا العانى ءۇشىن تۇرمەگە قامالعان شىعىس قازاقستان وبلىسى اياگوز قالاسىنىڭ بۇرىنعى اكىمى مەرزىمىنەن بۇرىن بوساپ شىقتى، دەپ حابارلايدى قازاقپارات ءتىلشىسى.

سەمەي قالالىق №2-سوتى باسپا ءسوز قىزمەتىنىڭ مالىمەتىنە سۇيەنسەك، ق. ەسىمدى سوتتالعاننىڭ باس بوستاندىعىنان ايىرۋ جازاسىن ايىپپۇل تولەۋگە اۋىستىرۋ تۋرالى ءوتىنىشى بويىنشا ماتەريال قارالدى. اياگوز قالاسىنىڭ بۇرىنعى اكىمى ءوتىنىشحاتىندا جازانىڭ ءبىر بولىگىن وتەگەنىن جازعان. «تۇرمەدە وتىرعان كەزدە ول ءوزىن جاقسى قىرىنان كورسەتتى. سوت ۇكىمى بويىنشا پروتسەسسۋالدىق شىعىنداردى تولەدى، ازاماتتىق تالاپتارى بولمادى. تاربيەلىك ءىس-شارالارعا دا بەلسەندى قاتىستى. سوتتالعان ازامات قاماۋدا ۇستاۋدىڭ جەڭىلدەتىلگەن جاعدايلارىنا اۋىستىرىلعان»، - دەلىنگەن اقپاراتتا.

وسىلايشا، سوت شەشىمىمەن ەكس-اكىمنىڭ ءوتىنىشى قاناعاتتاندىرىلدى.

ەستەرىڭىزگە سالا كەتسەك، ءىرى كولەمدە پارا العان اياگوز قالاسى اكىمىنىڭ تۇرمەگە قامالعان بولاتىن.