تالدىقورعاندا جاڭا اسفالتتى قايتا جاڭارتقان اكىمدىك ءوز ارەكەتىنە تۇسىنىكتەمە بەردى

تالدىقورعان. قازاقپارات - تالدىقورعانداعى كوتتەدجى قالاشىقتاعى جاڭا اسفالتتى قايتا جاڭارتقان اكىمدىك ءوز ارەكەتىنە تۇسىنىكتەمە بەردى، دەپ حابارلايدى قازاقپارات ءتىلشىسى.

جەرگىلىكتى بلوگەر جاڭا اسفالتتى قايتا جاڭارتقان شەندىلەردىڭ ارەكەتىنە شاعىمدانىپ، بەينەۇندەۋ جاريالادى.

«بۇل كوتتەدجدى قالاشىقتى 2-3 جىل بۇرىن سالدى. قاراڭىزدارشى، جاڭا اسفالت، جاعدايى جاقسى. بۇل جاڭا شاعىن اۋدان. جاڭا جول بولدى، ءبىراق جاڭا جولدى، قايتا جاڭارتتى»، - دەدى بلوگەر ءوز بەينەجازباسىندا.

تالدىقورعان قالاسى اكىمدىگىنىڭ باسپا ءسوز قىزمەتى بلوگەردىڭ نارازىلىعىنا جاۋاپ بەردى. «كوتتەدجدى قالاشىقتاعى 15,4 شاقىرىم جول 2008-2011 -جىلى سالىنىپ، 2011 -جىلى پايدالانۋعا بەرىلگەن. بيىل جولدىڭ شۇرىق تەسىگىن، بۇلىنگەن جەرلەرىن جوندەۋ ءۇشىن جۇمىستار جۇرگىزىلۋدە. 15,4 شاقىرىم جولدىڭ 6,5 شاقىرىمى جوندەلەدى. جۇمىستار 20 كوشەنىڭ التاۋىنا جاسالادى»، - دەلىنگەن ۆەدومستۆونىڭ جاۋابىندا.