گەننادي گولوۆكين كوپتەن كۇتكەن مالىمدەمە جاسادى

نۇر-سۇلتان. قازاقپارات - IBF/IBO نۇسقالارى بويىنشا ورتا سالماقتاعى قازاقستاندىق چەمپيون گەننادي گولوۆكين (41-1-1، 36 ك و) رينگكە ورالۋعا دايىندىعىن باستاپ كەتتى، دەپ حابارلايدى قازاقپارات Sports.kz سايتىنا سىلتەمە جاساپ.

Instagram الەۋمەتتىك جەلىسىندەگى كەزەكتى جاريالانىمدا گولوۆكيندى ءوز كومانداسى - جاتتىقتىرۋشىسى كريستوفەر كاماچو، اعاسى ماكسيم جانە پروسپەكت- سۋپەرورتا سالماقتاعى ءالي احمەدوۆتىڭ ورتاسىندا تۇر. بۇل سۋرەتتەردىڭ استىندا «جاتتىعۋ لاگەرىنە ورالعان قانداي تاماشا. بارلىعىن امان كورگەنىمە قۋانىشتىمىن» دەگەن جازۋ بار.

GGG-دىڭ كەلەسى جەكپە جەگى جەلتوقسان ايىنىڭ سوڭىندا جاپونيادا وتەتىنى كۇتىلۋدە. ونىڭ قارسىلاسى WBA Super نۇسقاسى بويىنشا ورتاشا كاتەگورياداعى جەرگىلىكتى الەم چەمپيونى ريوتا مۋراتا بولماق. بۇل گولوۆكيننىڭ 2020 -جىلدىڭ جەلتوقسانىنان بەرى وتكىزىلگەن العاشقى جەكپە- جەگى بولماق.

اۆتور: زارينا تۋعانبايەۆا