حالىق ساناعىن جەلەۋ ەتكەن الاياقتار تۇرعىنداردىڭ ءتۇرىن سكانەرلەپ، نەسيە الۋدا

نۇر-سۇلتان. قازاقپارات - قازاقستاندىقتار مەسسەندجەردە حالىق ساناعىن جەلەۋ ەتىپ، بەينەبايلانىس ارقىلى قوڭىراۋ شالىپ، ادامنىڭ بەتىن سكانەرلەپ، ولاردىڭ اتىنا نەسيە الاتىن الاياقتار تۋرالى اۋديوجازبامەن بولىسۋدە.

الايدا ىشكى ىستەر مينيسترلىگى مۇنداي فاكتىلەر تىركەلمەگەنىن مالىمدەدى.

قازاقستاندىقتار WhatsApp-تا تاراتقان حابارلامادا ءبىر ايەل شاحان، اقتاس جانە قاراعاندىدا الاياقتاردان زارداپ شەككەن ءۇش ادام تۋرالى ايتادى.

ونىڭ ايتۋىنشا، الاياقتار بەينەقوڭىراۋ شالىپ، بىرنەشە سۇراق قويادى، وسى ۋاقىتتا ادامنىڭ بەتىن سكانەرلەپ، ونىڭ اتىنا بىرنەشە نەسيە الادى.

ءى ءى م مۇنداي فاكتىلەردىڭ تىركەلگەنى تۋرالى اقپاراتتى جوققا شىعاردى.

«قاراعاندى وبلىسىنىڭ پ د ءوتىپ جاتقان «قازاقستان رەسپۋبليكاسىنىڭ ۇلتتىق حالىق ساناعى - 2021» جەلەۋ ەتىپ جاسالعان الاياقتىق ءىس- ارەكەتتەر فاكتىلەرى بويىنشا قىلمىستىق ىستەر تىركەلگەن جوق»، - دەلىنگەن حابارلامادا.

سونىمەن قاتار ىشكى ىستەر مينيسترلىگى ازاماتتارعا بانك شوتتارىنىڭ قورعالۋىن قامتاماسىز ەتۋ ءۇشىن قاراپايىم قاۋىپسىزدىك شارالارىن ساقتاۋ قاجەت ەكەنىن ەسكەرتەدى:

پارولدەردى ۇنەمى وزگەرتىپ وتىرىڭىزدار، ول كۇردەلى بولۋى ءتيىس؛

تولەم جۇيەلەرىندە بار بارلىق قاۋىپسىزدىك جۇيەلەرىن قوسۋ كەرەك: س م س راستاۋ، IP- مەكەن جايدى باقىلاۋ، 3D-secure جانە تاعى باسقا دا.

«ەگەر الاياقتاردىڭ قۇربانى بولعانىڭىزدى تۇسىنسەڭىز، ءبىرىنشى كەزەكتە بانككە حابارلاسىپ، الاياقتىق ارەكەتتەر ناتيجەسىندە بولعان اقشا قاراجاتىنىڭ قوزعالىسىنا بايلانىستى بارلىق وپەراتسيالاردى بۇعاتتاۋعا تىرىسىڭىز. الاياقتارمەن جۇرگىزىلگەن بارلىق حات- حابارلاردى، سونداي- اق وزىڭىزگە قاتىستى جاسالعان قىلمىستى اشۋعا ىقپال ەتەتىن اقپاراتتى ساقتاڭىز. تۇرعىلىقتى جەرى بويىنشا پوليتسيا بولىمشەسىنە حابارلاسىڭىز. سونىمەن قاتار رەسمي اقپارات كوزدەرىنە عانا سەنىڭىزدەر»، - دەپ حابارلادى ۆەدومستۆودان.

Stan.kz