قازاقستاندا وقۋشى قىزدارعا شالبار كيۋگە تىيىم سالىندى

نۇر-سۇلتان. قازاقپارات - كەيبىر قازاقستاندىق مەكتەپتەردىڭ اكىمشىلىگى قىزدارعا شالبار كيۋگە تىيىم سالدى.

بۇل تىيىم بالالارعا دا، ولاردىڭ اتا-انالارىنا دا ۇناماعاندىقتان رەداكسياعا شاعىمداندى.

رەداكسياعا الماتى، قاراعاندى جانە اتىراۋ وبلىستارىنداعى مەكتەپتەردەن بىرنەشە شاعىم ءتۇستى. اتا-انالاردىڭ ايتۋىنشا، قىزدار مەكتەپكە تەك يۋبكا كيىپ بارۋعا ءماجبۇر ەكەن.

«وسىنداي سالقىندا قىزدار شالبار كيىپ ءجۇرۋ كەرەك. بۇلاي تىيىم سالۋ زاڭسىز دەپ سانايمىز، مۇنداي زاڭ جوق»، - دەپ شاعىمداندى ولار.

ءبىلىم جانە عىلىم مينيسترلىگى بيىل وقۋشىلارعا ورتا ءبىلىم بەرۋ ۇيىمدارىنا مەكتەپ فورماسىندا نەمەسە كلاسسيكالىق ستيلدەگى كيىمدە وقۋعا رۇقسات ەتىلگەنىن حابارلادى. كلاسسيكالىق ستيل ماتانىڭ، ءتۇس پەن ولشەمنىڭ قاتاڭ، ۇستامدىلىعىمەن سيپاتتالادى. قازىر مەكتەپ تاجىريبەسىندە ۇستىنە اشىق، استىنا قويۋ ءتۇس كيۋگە رۇقسات بەرىلەدى.

ب ع م مەكتەپ وقۋشىلارى مەكتەپكە يۋبكا نەمەسە شالبار كيۋ كەرەك دەگەن تالاپ جوق ەكەنىن اتاپ ءوتتى.

«داۋلى ماسەلەلەر تۋىنداعان جاعدايدا شەشىم مەكتەپتىڭ قوعامدىق كەڭەسىنىڭ كەلىسىمى بويىنشا قابىلدانۋى مۇمكىن. قازاقستان ب ع م ازاماتتارىنىڭ وتىنىشتەرىنە جەدەل جاۋاپ بەرۋ ءۇشىن ق ر ب ع م كوكسون ساپانى قامتاماسىز ەتۋ جونىندەگى اۋماقتىق دەپارتامەنتتەرى باسشىلارىنىڭ، كول- ورتالىقتارى مەن ءبىلىم باسقارمالارى باسشىلارىنىڭ تەلەفون نومىرلەرى جاريالاندى»، - دەپ حابارلادى ب ع م ءباسپاسوز قىزمەتى.

بارلىق نومىرلەر سايتتا، ءبىلىم باسقارمالارى مەن دەپارتامەنتتەردىڭ الەۋمەتتىك جەلىلەرىندە جاريالانعان.

ەسكە سالايىق، مەكتەپ ديرەكتورى پاۆلوداردا دجينسى كيگەنى قىزعا اۋىر سوزدەر ايتىپ، جىلاتقان. مۇعالىم مەكتەپ وقۋشىسىنا كوپشىلىك الدىندا ەسكەرتۋ جاساعان. كوپشىلىك الدىندا سوگىس ەستىگەن وقۋشى كۇيزەلىسكە ۇشىراعان.

بۇعان دەيىن ءبىلىم جانە عىلىم ءمينيسترى اسحات ايماعامبەتوۆ مەكتەپ فورماسىن كيۋ تاعى ءبىر جىلعا مىندەتتى ەمەس ەكەنىن ايتقان بولاتىن.