شەكارا قىزمەتى ەسىنەن تانعان سارباز تۋرالى ۆيدەوعا تۇسىنىك بەردى
ايتا كەتەيىك، الەۋمەتتىك جەلىلەردە بەيمالىم ساربازدىڭ ۇستاماعا ۇقساس اۋرۋ بەلگىلەرىمەن ەسىنەن تانعانى تۇسىرىلگەن ۆيدەو تاراعان بولاتىن. ۇلتتىق قاۋىپسىزدىك كوميتەتىنىڭ شەكارا قىزمەتى الەۋمەتتىك جەلىلەردە مەرزىمدى قىزمەت ساربازى تۋرالى تاراعان ماتەريالعا پىكىر ءبىلدىردى. ۆەدومستۆونىڭ مالىمەتىنشە، اسكەري قىزمەتشىنى قىزىلوردا وبلىسى بويىنشا قورعانىس ىستەرى دەپارتامەنتى 2021 -جىلعى 25-قىركۇيەكتە مەرزىمدى اسكەري قىزمەتكە شاقىرعان. ول 27-قىركۇيەكتە قىزمەت وتكەرۋ ورنىنا كەلگەن. قىزىلوردا وبلىسىنىڭ اسكەرگە شاقىرۋ كوميسسياسى ونى اسكەري قىزمەتكە جارامدى دەپ تانىعان. 29-قىركۇيەكتە ول قۇرىسۋ ۇستاماسىنىڭ بەلگىلەرىمەن ءۇشارال قالاسىنىڭ ورتالىق اۋرۋحاناسىنا جاتقىزىلدى.
«30-قىركۇيەكتەن باستاپ سارباز الماتى قالالىق ۇ ق ك گوسپيتالىندە تەكسەرىلىپ جاتىر. اسكەري- دارىگەرلىك كوميسسيا ونىڭ ودان ءارى قىزمەت وتكەرۋى تۋرالى شەشىم قابىلدايتىن بولادى» دەپ ءمالىم ەتتى شەكارا قىزمەتى.
