اۋعانستاندا بالالار اشتىقتان ءتۇرلى دەرتكە شالدىعىپ جاتىر
ەلدە تويىپ تاماق ءىشى الماي جۇرگەن ميلليونداعان ءبۇلدىرشىن اشتىقتان قىزىلشا اۋرۋى مەن ءىش وتۋدەن قينالادى. ەلدەگى ءدارى- دارمەك تاپشىلىعى جاعدايدى ودان بەتەر ۋشىقتىرىپ تۇر. سالدارىنان ءولىم- ءجىتىم كورسەتكىشى ارتىپ بارادى. ب ۇ ۇ ماماندارى ايماققا گۋمانيتارلىق كومەك كورسەتۋ كەرەك دەپ دابىل قاعادى. وتكەن ايدا ۇيىم 4 ميلليون اۋعان حالقىن ازىق- تۇلىكپەن قامتاماسىز ەتكەن. دەسە دە بۇل كومەك جەتكىلىكسىز دەيدى ماماندار. جىل سوڭىنا دەيىن 5 جاسقا تولماعان شامامەن 3 ميلليوننان استام بالا اش قالۋى مۇمكىن. ددسۇ بەزگەك اۋرۋىنا قارسى ۆاكتسينانى ماقۇلدادى دۇنيەجۇزىلىك دەنساۋلىق ساقتاۋ ۇيىمى العاش رەت بەزگەك اۋرۋىنا قارسى ۆاكسينانى ماقۇلدادى. ءدارىنىڭ وندىرىسىنە 30 جىلدان استام ۋاقىت كەتكەن. پرەپاراتتىڭ سوڭعى زەرتتەۋ فازاسى 2019 -جىلى ءوتتى.
شاراعا گانا، كەنيا مەن ماليۆيدەن 800 مىڭنان استام تۇرعىن قاتىستى. عالىمدار پرەپاراتتىڭ تيىمدىلىگى 39 پروتسەنتتى قۇرايتىنىن، الايدا ۆاكسينانى بەزگەك اۋرىنا قارسى دارىلەرمەن بىرگە قابىلداسا ەكپەنىڭ تيىمدىلىگى 70 پروتسەنتكە ارتاتىنىن ايتادى. ۇيىم باسشىسى بۇل جاڭالىقتى كوپتەن كۇتكەن تاريحي ءسات دەپ اتادى. ماسەلەن، بۇگىندە دارىگەرلەر افريكا ەلدەرىندە بالالار ءولىمىنىڭ نەگىزگى سەبەبى بەزگەك اۋرۋى دەيدى. جىل سايىن قاۋىپتى دەرتكە 200 ميلليون ادام شالدىعىپ، 400 مىڭ ادام قازا تابادى. ولاردىڭ 260 مىڭنان استامى - 5 جاسقا تولماعان بالالار.
تەدروس ادحانوم گەبرەيەسۋس، د د س ۇ باسشىسى:
- بۇگىن تاريحي ساتكە كۋا بولدىق. بۇل بەزگەك اۋرۋىنا قارسى ۆاكسينا عانا ەمەس، كەز كەلگەن پارازيتتىك اۋرۋمەن كۇرەسۋگە ارنالعان ءدارى. سوندىقتان پرەپارات باسقا دا دەرتتەردى جەڭۋگە سەپتىگىن تيگىزەدى. ەكپەنى قولجەتىمدى ەتۋ ءۇشىن ءوندىرىستى ارتتىرۋ كەرەك. ول ءۇشىن حالىقارالىق ارىپتەستىك پەن ىنتىماقتاستىقتى نىعايتۋ ابزال. ءدارى بالالارعا جەتۋ ءۇشىن قولدان كەلگەننىڭ ءبارىن جاسايمىز. قازىر بۇل ءبىزدىڭ باستى ماقساتىمىز.
ومار ابدي، ب ۇ ۇ يۋنيسەف بالالار قورىنىڭ وكىلى:
- گۋمانيتارلىق داعدارىس كۇشەيىپ بارادى. ميلليونداعان ادام اشتىقتان قىرىلايىن دەپ تۇر. الدا قىس كەلە جاتىر. ونىڭ ۇستىنە كوروناۆيرۋس ىندەتى دە باسىلمادى. ەلدە دەنساۋلىق ساقتاۋ جۇيەسى، الەۋمەتتىك باعدارلامالاردىڭ ءبارى قۇلدىرادى. ەڭ قاجەتتى ءدارى تابۋ مۇمكىن ەمەس. جانارماي تاپشىلىعى دا بار. سىرتتان قولداۋ بولماسا نە بولاتىنىن ەلەستەتۋ قورقىنىشتى.
كوروناۆيرۋس جۇقتىرعانداردىڭ تەڭ جارتىسى - جاستار
تۇركيادا كوروناۆيرۋس قايتا ءورشىدى.
كەيىنگى تاۋلىكتە 30 مىڭنان استام ادام قاۋىپتى ىندەت جۇقتىرعان. بۇل ءساۋىر ايىنان كەيىنگى ەڭ جوعارعى كورسەتكىش. قاۋىپتى ىندەتتەن ءبىر كۇندە 236 ناۋقاس كوز جۇمدى. دەنساۋلىق ءمينيسترىنىڭ سوزىنشە، شالدىققان ناۋقاستاردىڭ تەڭ جارتىسى - جاستار. باستى سەبەپ - ەكپەنىڭ جەتكىلىكسىزدىگى مەن جاستاردىڭ ەكى كومپونەنتتى الىپ ۇلگەرمەۋى بولىپ وتىر.
بۇگىندە تۇركيانىڭ %87 تۇرعىنى ەكپەنىڭ ءبىرىنشى دوزاسىن قابىلدادى. قوس پرەپاراتتى سالدىرعاندار كورسەتكىشى - %73. ال قىتايىڭ «سينوۆاك» ۆاكسيناسىنان كەيىن 3-دوزانى العانداردىڭ سانى 10 ميلليوننان استى.
فاحرەتتين قوجا، دەنساۋلىق ساقتاۋ ءمينيسترى:
- جاستار اراسىندا جۇقتىرۋ دەرەگى كوپ بولعانىمەن اۋرۋحاناعا، سونىڭ ىشىندە جانساقتاۋ بولىمشەسىنە تۇسكەندەر كوپ ەمەس. دەگەنمەن جاستاردىڭ اۋرۋدى وتباسى مۇشەلەرى مەن ەرەسەكتەرگە جۇقتىرۋى مۇمكىن. كەيىنگى ءبىر ايدا كوز جۇماعاندار اراسىندا 70 جاستان اسقان ازاماتتار كوپ.
COVID-19 دەرتىنە شالدىققاندار سانى ارتتى رۋمىنياداعى ەپيداحۋال دا ءماز ەمەس. ەلدە ءبىر كۇننىڭ ىشىندە 15 مىڭ ادام دەرتكە شالدىققان. جەرگىلىكتى بيلىك اۋرۋحانالاردا بوس ورىن جوق ەكەنىن ايتادى. دارىگەرلەر دەمالىسسىز جۇمىس ىستەۋدە. جاعدايدىڭ ۋشىعۋىنا بايلانىستى كوپتەگەن وپەراتسيا كەيىنگە شەگەرىلىپ جاتىر.
www.24.kz
