جانقوش تۇراروۆتىڭ سوت ورىنداۋشىمەن داۋعا قاتىستى اشىق سۇحباتى
- جانقوش سوڭعى كۇندەرى سەنىڭ اتىڭ ب ا ق- تا كوپ اتالاتىن بولدى. سوت ورىنداۋشىمەن وقيعا تۋرالى ءتۇرلى تاقىرىپتاعى جاڭالىقتار كوبەيىپ كەتتى. وسىنى تۇسىندىرە كەتسەڭ؟
- ءيا، كەيبىر ب ا ق پەن الەۋمەتتىك جەلىلەر جاعدايدى تولىق بىلمەي، جالعان اقپارات تاراتاتىنى وكىنىشتى. كوپتەگەن سايتتاردان ءتۇرلى تاقىرىپتار وقىدىم، وندا مەنى ءبىر گانگستەر رەتىندە كورسەتىپتى. جاساندى شۋ كوتەرگەن.
- «مەن ۇرسام، انا جەردە ادامدار ءولىپ قالۋى مۇمكىن عوي» دەگەن سەنىڭ ءسوزىڭ عوي. بۇل قالاي بولدى؟
- ءبىر تەلەارنادان قىز قوڭىراۋ شالدى. قىسقاشا جاۋاپ بەردىم. ول ءسوز كاسىپقوي سپورتشى ءوز شەبەرلىگىن رينگتەن تىس قولدانۋعا بولمايدى دەگەندى بىلدىرەدى. بوكسشىنىڭ داعدىلارى - سۋىق قارۋ ىسپەتتەس. ول مەنەن قوقان-لوقى تۋرالى سۇراعاندا، وسى سۇراعىنىڭ ساندىراق سياقتى ەستىلەتىنىن تۇىسىنبەدى مە؟!
- دەمەك بۇل جاعدايدى تۇسىندىرگەنىڭ عوي. بۇل سۇحبات جاريالانىپتى، نەگە؟
- ولار ءسوزىمدى ديكتافونعا جازىپ الىپ، ەفيرگە شىعارىپ جىبەرىپتى. ءبىراق ءسوزىمىزدىڭ جازىلىپ جاتقانىن ماعان ەسكەرتكەن جوق. مەن بۇل اڭگىمەنىڭ جاريالانۋىنا قارسى بولدىم. ولار الدىمەن جاعدايدى بىلەيىن دەگەن شىعار دەپ ويلادىم. ءسىزدىڭ ويىڭىزشا، بۇل قانشالىقتى كاسىبي دەڭگەي؟
- بۇل ەندى جۋرناليستىڭ ەتيكاسىنا بايلانىستى. جاعدايعا ورالايىق. سەن سوندا بولدىڭ عوي، نە بولعانىن ايتىپ بەرشى؟
- بولدىم، مويىندايمىن. مەن كەلگەنىمدە جاعداي تۇسىنىكسىز بولدى. بۇل اپكەمنىڭ ءۇيى. ولار ءۇيدى جاقىندا ساتىپ العان، بۇرىنعى يەسى زاڭسىز قۇرىلىسى بار تۇرعىن ءۇيدى ساتىپ جىبەرگەن. ساتۋ-الۋدىڭ پروتسەسىن ونشا جاقسى بىلە بەرمەيمىن، مۇنى قۇزىرلى ورگاندار انىقتاسىن.
- سوندا، سەن تۋىستارىڭدى قورعادىڭ با؟
- ءيا. جاقىنىڭ مۇنداي جاعدايعا دۋشار بولسا، كىم كومەككە كەلمەيدى. ول جەرگە كەلگەنىمدە ايعاي-شۋ مەن جىلاعان داۋىستار بولدى. ءبارىن توقتاتۋدى تالاپ ەتتىم، ارى قارايعى جانجالعا ارالاسپادىم. كۋاگەرلەردىڭ سوزىنەن سوت ورىنداۋشىسى دا ءوز مىندەتىن كاسىبي اتقارماعانىن جانە دورەكى سويلەگەنىن ءبىلدىم.
- سوت ورىنداۋشى سەن وعان قوقان-لوقى كورسەتتى دەيدى. بۇعان نە دەيسىڭ؟
- مەن قاراپايىم جىگىتپىن، جىگىتتىك تۇسىنىكپەن وستىك بارىمىزدە. ونى ۇرىپ-سوعامىن دەپ قورقىتپادىم. ەركەكتەردىڭ اراسىنداعى اڭگىمە بولدى، مەن وعان ءوز ويىمدى ايتتىم. ول مەنى ديكتافونعا جازىپ جاتقانىن ەسكەرتكەن دە جوق. بۇل قانشالىقتى زاڭدى ەكەنىن بىلمەيمىن. ول سوققى الىپ قالعان سوڭ، كەكتەنىپ العان سياقتى. ول دا بىرەۋدىڭ اعاسى، ودان دا بىرەۋ ۇلگى الادى-اۋ. ەندى حايپوۆات ەتىپ ءجۇر، ءوزىن ۆيدەوعا ءتۇسىرىپ، بىرەۋدى تۇرمەگە وتىرعىزام، سوتتاتامىن دەپ.
- جانقوش سەن مىنەزدى جىگىت ەكەنىڭدى بىلەمىز، ول جاعدايدا ءوزىڭدى ۇستاپ تۇرۋ قانشالىقتى قيىن بولدى؟
- الماتىدا ادامدار مەرت بولعان قايعىلى وقيعا ءبارىنىڭ ەسىندە عوي. سپورتشى بولعاندىقتان جاستىقپەن ءتۇرلى جاعدايدى باستان وتكەردىم. جاعداي قيىنداپ كەتۋى مۇمكىن ەكەنىن جاقسى بىلەمىن. ادامدار اشۋلى كەزدە نە ىستەگەندەرىن بىلمەي قالادى. ءبىراز ۋاقىتتان كەيىن جاعدايدى سوت ارقىلى بەيبىت شەشۋگە بولادى عوي. ال ادام ءوز وشاعىن قالاي بولسىن قورعايدى.
- جانقوش تۇراروۆ - قىلمىسكەر ەمەس. وسى جاعدايعا بايلانىستى ايتقىڭ كەلگەنى وسى عوي. كاسىپقوي بوكسشىسىڭ، الداعى جوسپارىڭ قانداي؟
- كاسىپقوي بوكسشىمىن، الداعى ماقساتتارىم مەن مىندەتتەرىم كوپ. جاقىندا جەكپە-جەگىم وتەدى، جاتتىعۋدى باستادىم. ادامدارعا ايتارىم - سپورتپەن شۇعىلدانىڭىزدار، وقىپ-ۇيرەنىپ، دامي بەرىڭىزدەر. الەۋمەتتىك جەلىدەن كۇندە نەگاتيۆتى بويعا سىڭىرە بەرۋگە بولمايدى. مەنى قولداپ، ۋايىمداپ جاتقاندارعا راحمەت. مەن جارقىن جەكپە-جەكتەرمەن قازاقستاندىقتاردى قۋانتىپ، جاستاردى جەڭىسپەن جىگەرلەندىرگىم كەلەدى.
ال مىنا ماسەلە بويىنشا ەندى مازامدى الماسا ەكەن. بار سۇراققا جاۋاپ بەردىم دەپ ويلايمىن.
