مۇحاممەد ءالي سالعان سۋرەتتەر اۋكسيوندا ساتىلدى
بۇل تۋرالى The National حابارلادى.
اڭىزعا اينالعان امەريكالىق بوكسشى مۇحاممەد ءاليدىڭ تەك جاقىندارى بىلەتىن 26 سۋرەتى ميلليونعا جۋىق دوللارعا ساتىلدى.
كارتينالاردى بوكسشىنىڭ دوسى رودني حيلتون براۋن اۋكتسيونعا قويعان. ونىڭ ايتۋىنشا، الي 1977-جىلى بوستوندا دجودي باللاردپەن بولعان جەكپە-جەكتەن كەيىن العاشقى ءۇش سۋرەتتى سالعان.
«وكىنىشتى، ارا سياقتى» تۋىندىلارىنىڭ ءبىرى 425 مىڭ دوللارعا ساتىلدى. بۇل ساتىلىمعا دەيىن بولجانعاننان ون ەسە كوپ. ءالي ونى 1978-جىلى ميسسيسيپي شتاتىنداعى «بوستاندىق جولى» فيلمىنىڭ تۇسىرىلىمىندە سالعان.
Bonhams بۇل سۋرەتتە تەك مۇحاممەد ءاليدىڭ تولىق قولتاڭباسى بار ەكەنىن ايتادى.
1979-جىلى كەنەپتە «مەن سەنى سۇيەمىن، امەريك» دەگەن جازۋى بار قىزىل، اق جانە كوك تۇسپەن سالىنعان سۋرەت 150000 دوللارعا ساتىلدى. ءاليدىڭ 1967-جىلى سالىنعان ءدىن تۋرالى تاعى ءبىر تۋىندىسى 24000 دوللارعا ساتىلدى.
مۇحاممەد ءالي - اتاقتى سپورتشى، بەلسەندى جانە اقىن، ءبىراق ونىڭ كوركەم سۋرەت سالاتىن تالانتى تۋرالى كوپشىلىك بىلمەيتىن. Bonhams اۋكتسيون ءۇيى ونىڭ ءومىر بويى سۋرەت سالعانىن ايتادى. سەبەبى، ءاليدىڭ اكەسى دە كاسىبي سۋرەتشى بولعان. بوكسشى اتاقتى سپورتشىلار مەن مۋزىكانتتاردىڭ سۋرەتىن سالعان سۋرەتشى لەروي نەيمانمەن بىرگە وقىدى. ءالي 2016-جىلى 74 جاسىندا پاركينسون اۋرۋىنان قايتىس بولدى.
massaget.kz
