20:29, 07 - قازان 2021 | GMT +5
تالىپتەر اۋعانستاندا شەتەلگە شىعاتىن پاسپورتتى قايتا بەرە باستادى
نۇر-سۇلتان. قازاقپارات - انادولى - اۋعانستانداعى «تاليبان» قوزعالىسى قۇرعان ۋاقىتشا ۇكىمەت شەتەلگە شىعاتىن پاسپورتتى بەرۋدى قايتا باستادى، دەپ حابارلايدى قازاقپارات انادولى اگەنتتىگىنە سىلتەمە جاساپ.
اۋعانستان «ۋاقىتشا ۇكىمەتى» ءى ءى م جانىنداعى ءتولقۇجات باسقارماسى باسشىسىنىڭ مىندەتىن اتقارۋشى الەم گيۋل حاككاني ەڭ ءبىرىنشى كەزەكتە بۇعان دەيىن قۇجات راسىمدەۋگە ءوتىنىش بەرگەن 25 مىڭ ازاماتقا ءتولقۇجات بەرىلەتىنىن مالىمدەدى.
حاككاني كۇنىنە 6 مىڭ ازاماتقا ءتولقۇجات بەرىلەتىنى جوسپارلانىپ وتىرعانىن اتاپ ءوتتى.
ونلاين ءوتىنىش بەرگەن 170 مىڭ اۋعاندىقتىڭ ءتولقۇجاتى راسىمدەلىپ جاتىر. ءى ءى م باسپا ءسوز حاتشىسى ساەد حوستي ءتولقۇجاتتا ەلدىڭ اتى اۋعانستان يسلام رەسپۋبليكاسى دەپ جازىلاتىنىن حابارلادى.
