19:21, 07 - قازان 2021 | GMT +5
قاسىم-جومارت توقايەۆ پاكىستان پرەزيدەنتىنە كوڭىل ايتتى
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ پاكىستان پرەزيدەنتىنە كوڭىل ايتۋ جەدەلحاتىن جولدادى، دەپ حابارلايدى اقوردا.

مەملەكەت باسشىسى پاكىستاننىڭ وڭتۇستىك-باتىسىنداعى بەلۋدجيستان پروۆينتسياسىندا كوپتەگەن ادام شىعىنىنا اكەپ سوقتىرعان جويقىن جەر سىلكىنىسىنە بايلانىستى وسى ەلدىڭ پرەزيدەنتى اريف الۆيگە كوڭىل ايتۋ جەدەلحاتىن جولدادى.
«قازاقستان حالقىنىڭ جانە ءوزىمنىڭ اتىمنان تابيعي اپاتتان قازا تاپقانداردىڭ وتباسىنا كوڭىل ايتىپ، زارداپ شەككەن ازاماتتاردىڭ تەزىرەك ساۋىعىپ كەتۋىنە تىلەكتەستىك بىلدىرەمىن»، - دەپ جازىلعان جەدەلحاتتا.
ەسكە سالساق، پاكىستاننىڭ وڭتۇستىگىندە تىركەلگەن جەر سىلكىنىسى سالدارىنان كەمىندە 15 ادام قازا تاپتى.