الەكسەي سوي اۋىلداعى مەديتسينالىق قىزمەتتى دامىتۋ تۋرالى ايتتى
«بىزدە COVID- تەن بولەك اۋرۋلار بويىنشا دا مەديتسينالىق كومەك كورسەتۋ توقتاعان جوق. اۋىلداردا دەنساۋلىق ساقتاۋ سالاسىن دامىتۋعا ۇلكەن كوڭىل ءبولىپ جاتىرمىز. ءبىز ءۇشىن مەديتسينالىق كومەكتىڭ ءاربىر ەلدى مەكەندە بولۋى جانە ءاربىر ازاماتقا جەتۋى وتە ماڭىزدى. قازىن سول ءۇشىن كولىك مەديتسيناسىن دامىتىپ جاتىرمىز. قازاقستانداعى وڭىرلەردىڭ بارىنە 149 جىلجىمالى مەديتسينالىق كەشەن اتتاندىرىلعان. ولار قاجەتتى مەديتسينالىق جابدىقتارمەن، توڭازىتقىشتارمەن، ە ك گ اپپاراتتارىمەن، رەنتگەنمەن جابدىقتالدى. ءبىرىنشى كەزەكتە مەديتسينالىق وبەكتىلەر مۇلدەم جوق ەلدى مەكەندەرگە باسىمدىق بەرىپ وتىرمىز. جىلجىمالى كەشەننىڭ كومەگىمەن سول اۋىلدارعا ءدارى- دارمەكتەر جەتكىزىلىپ، پروفيلاكتيكالىق تەكسەرۋلەر جۇرگىزۋ جولعا قويىلدى»، - دەدى الەكسەي سوي ق ر پرەزيدەنتى جانىنداعى ادام قۇقىقتارى جونىندەگى كوميسسيا وتىرىسىنىڭ الدىندا ب ا ق وكىلدەرىنە بەرگەن سۇحباتىندا.
ءمينيستردىڭ ايتۋىنا قاراعاندا، جوسپار بويىنشا بارلىق تىرەك اۋىلدار باستاپقى بۋىنداعى مەديتسينالىق نىساندارمەن ءجۇز پايىز قامتاماسىز ەتىلۋى ءتيىس.
«ءبىز بۇل باعدارلاماعا باسا نازار اۋدارامىز. الداعى بەس جىلدا تىرەك اۋىلداردىڭ بارىندە مەديتسينالىق نىساندار بولۋى كەرەك. ءار وڭىردە مەديتسينالىق كومەكپەن قامتىلماعان ەلدى مەكەندەر بار جانە ازاماتتار اۋدان ورتالىقتارىنا بارۋعا ءماجبۇر. ەڭ باستىسى - مامان دايارلاۋ. قازىر ءبىز مامان تاپشىلىعىن جويۋ ءۇشىن ءار وبلىسقا قايتا وقىتىلعان مەديتسينا قىزمەتكەرلەرىن جىبەرىپ جاتىرمىز. سولاردى بارعان جەرىندە تۇراقتاتۋ ۇلكەن مىندەت بولىپ وتىر»، - دەدى ۆەدومستۆو باسشىسى.
