ەلىمىزدە ساۋساق تاڭباسىن الۋ جۇيەسى ەنگىزىلمەك
بۇل تۋرالى نۇر- سۇلتان قالالىق پوليتسيا دەپارتامەنتى كوشى- قون قىزمەتى باسقارماسىنىڭ باستىعى ارمان بايمۇحامبەت ايتتى، دەپ حابارلايدى قازاقپارات ءتىلشىسى.
«ىشكى ىستەر مينيسترلىگىنىڭ اقپاراتتىق جۇيەسىن ازاماتتىق حال اكتىلەرى جازبالارىمەن ينتەگراتسيالاۋ ارقىلى جالعان قۇجاتتار ۇسىنۋ مۇمكىندىگى جويىلاتىن بولادى. سونىمەن قاتار اكىمشىلىك كەدەرگىلەر دە الىنىپ باستالادى. ءبىز ازاماتتاردان تەگىنىڭ وزگەرگەندىگى، تۋعان جەرى مەن كۇنى، ۇلتى جانە باسقا دا ناقتىلاۋ مالىمەتتەرى تۋرالى قۇجاتتاردى تالاپ ەتپەيتىن بولامىز»، - دەدى باسقارما باسشىسى.
ونىڭ اتاپ وتۋىنشە، 2023 -جىلدان باستاپ جەكە باستى كۋالاندىراتىن قۇجاتتاردى الۋ نەمەسە اۋىستىرۋ كەزىندە ساۋساقتاردىڭ تاڭباسىن الۋ ەنگىزىلەتىن بولادى.
«بۇل دا زاڭسىز قۇجات جاساۋ تاۋەكەلىن ايتارلىقتاي تومەندەتەتىن بولادى»، - دەدى ارمان بايمۇحامبەت.
اۆتور: مارلان جيەمباي
