اۋعانستاندا بۇرىنعى مەملەكەتتىك قىزمەتشىلەردىڭ دۇنيە- مۇلكى ساتىلادى

نۇر- سۇلتان. قازاقپارات - اۋعانستاندا بۇرىنعى ۇكىمەتتىڭ قۇرامىندا جۇمىس ىستەگەن مەملەكەتتىك قىزمەتشىلەردىڭ دۇنيە- مۇلكى ساتىلادى. ساتىلىمنان تۇسكەن قاراجات وسى ەلدىڭ ەلەكتر ەنەرگياسى ءۇشىن قارىزىن جابۋ ءۇشىن جۇمسالماق.

ءبىراق ساراپشىلاردىڭ ايتۋىنشا، بۇل شارا بەرەشەكتىڭ از عانا بولىگىن وتەيدى. تالىپتەردىڭ مالىمدەۋىنشە، جيعان- تەرگەنى تالان- تاراجعا تۇسكەن ەكسشەنەۋنىكتەردىڭ بارلىعى شەتەلگە قاشىپ كەتكەن.

ايتا كەتەيىك، اۋعانستاننىڭ ەلەكتر جارىعىن تۇتىنعانى ءۇشىن وزبەكستان، تاجىكستان، تۇرىكمەنستان جانە يران الدىنداعى قارىزى 62 ميلليون دوللارعا جەتكەن. سونداي- اق «تاليبان» بيلىك باسىنا كەلگەلى ەلەكتر ەنەرگياسى ءۇشىن اقشا جيناقتاۋ دەڭگەيى 70 پروتسەنتكە تومەندەگەن. ەنەرگەتيكالىق كومپانيا بەرەشەكتەن قۇتىلۋ ءۇشىن بىرىككەن ۇلتتار ۇيىمىنان كومەك تە سۇراعان.

www.24.kz