الەمدەگى ەڭ ادەمى گيپەركار ءمالىم بولدى
گيپەركار جەلىسىندە تيتۋلعا ۇمىتكەر تاعى 3 مودەلدىڭ اتى اتالماعان. الايدا، جارىس ەرەجەسى بويىنشا جەڭىسكە ۇسىنىلعان گيپەركارلار «سپورتتىق ديزاين مەن ونىمدىلىگى جوعارى جانە باعاسى 60 مىڭ ەۋرودان اساتىن اۆتوموبيل» بولۋى كەرەك.
Bolide مودەلى Bugatti شىعارعان اۆتوموبيلدەردىڭ ەڭ ەرەكشەسى ەكەنى ايتىلدى. سپورتكاردا اۆتوماتتى ءورت ءسوندىرۋ جۇيەسى بار.
مودەل كونتسەپت رەتىندە 2020 -جىلدىڭ اياعىندا ۇسىنىلدى. بيىل فرانسۋزدىق كومپانيا بۇل كولىكتىڭ 40 داناسىن شىعاراتىنى تۋرالى حابارلادى، ءبىراق ولار كوپشىلىگىن كوشەدەگى جولداردان تابا المايسىز.
كولىكتىڭ سالماعى - 1450 ك گ، قوزعالتقىشى - 1600 ات كۇشىنە تەڭ. تەمىر تۇلپاردىڭ العاشقى شىعارىلىمى 2024 -جىلى يەلەرىنە جەتكىزىلەدى دەپ جوسپارلانۋدا. باعاسى - 4,7 ملن دوللار.
گيپەركار 100 ك م/ساع جىلدامدىققا 2 سەكۋندتان از ۋاقىت قاجەت. 200 ك م/ساع جىلدامدىققا 4,36 سەكۋندتا، 300 كم/ساع جىلدامدىققا 7,37 سەكۋندتا، ال ماكسيمالدى جىلدامدىعى - 500 ك م / ساع جىلدامدىققا 20,16 سەكۋندتا جەتەدى.
سونىمەن قاتار، Audi Q4 E- Tron Sportback فەستيۆالدەگى ەڭ ادەمى شوۋ- كولىگى، DS Aero Sport Lounge ەڭ ادەمى كونسەپتسيا، Mercedes-Benz Vision AVTR فۋتۋريستىك اۆتوموبيلدەر ساناتىنداعى ەڭ ادەمىسى، Maserati MC20 سۋپەركولىكتەر ساناتىنداعى ەڭ ادەمى دەپ تانىلدى.
