07:45, 07 - قازان 2021 | GMT +5
قازاقستاندىق دزيۋدوشى جاستار اراسىندا الەم چەمپيوناتىنىڭ قولا جۇلدەگەرى اتاندى
نۇر- سۇلتان. قازاقپارات - قازاقستاندىق شەرزود داۆلاتوۆ يتاليانىڭ ولبيا قالاسىندا دزيۋدودان جاستار اراسىندا ءوتىپ جاتقان الەم چەمپيوناتىندا قولا جۇلدەگەر اتاندى، دەپ حابارلايدى قازاقپارات ءتىلشىسى.
قازاقستان دزيۋدو فەدەراتسياسى ءمالىم ەتكەنىندەي، الماتىلىق ش. داۆلاتوۆ 60 كەلىگە دەيىنگى سالماقتا قولا جۇلدە ءۇشىن باسەكەدە وزبەكستاندىق كاموليددين باحتيەروۆپەن تاتاميگە شىقتى. شەرزود قارسىلاسىن يپپونمەن تازا جەڭدى. ش. داۆلاتوۆ شيرەك فينالدىق بەلدەسۋدە گرۋزيالىق گەورگي ساردالاشۆيليگە جول بەرگەن ەدى. دەگەنمەن سوسىن جۇبانىش باسەكەسىندە رەسەيلىك ابۋ- مۋسليم پارچييەۆتەن ايلاسىن اسىردى. جاستار اراسىندا الەم بىرىنشىلىگى 10-قازانعا دەيىن سوزىلادى.
