ارالدا «بالىقشىلار» ساياباعى اشىلادى

قىزىلوردا. قازاقپارات - قىزىلوردا وبلىسى ارال اۋدانىندا «بالىقشىلار» ساياباعى اشىلادى، دەپ حابارلايدى قازاقپارات ءتىلشىسى.

وبلىس اكىمى گۇلشارا ءابدىقالىقوۆا ارال اۋدانىنا جاساعان جۇمىس ساپارى بارىسىندا ءبىرقاتار الەۋمەتتىك- مادەني نىسانداردىڭ ارالاپ، زيالى قاۋىم وكىلدەرىمەن كەزدەستى. الدىمەن ءوڭىر باسشىسى اۋدان ورتالىعىندا ورنالاسقان «سۋرەتتەر سىر شەرتەدى» تاريحي مۇراجايىندا بولدى.

مەملەكەت جانە قوعام قايراتكەرى قۇدايبەرگەن سارجانوۆ وبلىس اكىمىنە 500 گە جۋىق سۋرەت پەن تاريحي جادىگەر جيناقتالعان مۋزەي جۇمىسىمەن تانىستىردى. ايماق باسشىسى ءوڭىردىڭ تاريحي- مادەني الەۋەتىن كوتەرىپ، جاس ۇرپاقتى تاربيەلەۋدە مۇراجايلار مەن كىتاپحانالاردىڭ، ونداعى جادىگەرلەر جانە كىتاپ قورىن كوبەيتۋ ءىسى ۇلكەن ماڭىزعا يە ەكەندىگىن اتاپ ءوتتى. مۇراجايدا بالىقشىلاردىڭ تاريحي فوتوسۋرەتتەرى، ەلگە، وبلىس پەن اۋدانعا تانىمال قوعام قايراتكەرلەرىنىڭ فوتو جيناعى، ارال تەڭىزىنىڭ تاريحى جانە قۇدايبەرگەن سارجانوۆتىڭ جەكە ەكسپوناتتارى قويىلعان. وبلىس اكىمى اۋدانداعى قايتا جاڭعىرتىلعان «بالىقشىلار» مۇراجايىندا مەملەكەت جانە قوعام قايراتكەرلەرى قۇدايبەرگەن سارجانوۆ، بيعالي قايۋپوۆ، ءبىلىم سالاسىنىڭ ارداگەرى نۇرالى وسپانوۆ، اۋداندىق ارداگەرلەر كەڭەسىنىڭ ءتوراعاسى ادىلبەك ايىمبەتوۆپەن بىرگە مۋزەيدى ارالاپ، ىشىندەگى ەسكپوزيتسيالىق جۇمىستاردى كوردى.

«بالىقشىلار» مۇراجايىندا 2000-نان اسا قۇندى جادىگەرلەر جيناقتالعان. 2012 -جىلى پايدالانۋعا بەرىلگەن نىساندا 11 مامان قىزمەت اتقارادى. مۋزەيدە وبلىستىق بيۋدجەتتەن بولىنگەن 86 ميلليون تەڭگە قارجىعا رەەكسپوزيتسيالىق جۇمىستار جۇرگىزىلگەن. ايماق باسشىسى عيمارات اۋلاسىندا جاڭادان سالىناتىن «بالىقشىلار» ساياباعىنىڭ ەسكيزدىك جوباسىن كورىپ، اسپان استىنداعى مۇراجايمەن تانىستى. مۇنان كەيىن وبلىس اكىمى «ارال» يندۋستريالدى- تەحنيكالىق كوللەدجىنە باردى.

كاسىپتىك ءبىلىم بەرەتىن مەكەمەنىڭ تىگىن سەحىندا ارنايى كيىم ۇلگىسىن تىگىپ جاتقان جاستارمەن كەزدەستى. كوللەدجدە «جاس مامان» جوباسى اياسىندا تىگىنشى جانە ەلەكتر دانەكەرلەۋشى ماماندىعى اشىلعان. بۇل رەتتە تىگىن ءىسىن جانداندىرۋ ءۇشىن يتاليالىق جانە جاپوندىق كومپانيالاردىڭ قۇرىلعىلارى ساتىپ الىنعان. كوللەدجدە بالىقتى قايتا وندەۋ ماماندارىن دايىنداۋعا ءمان بەرىلدى. كوللەدج بازاسىندا قۇدايبەرگەن سارجانوۆ وبلىس اكىمىنە كاسىپتىك وقۋ سالاسىندا بالىق شارۋاشىلىعىن جانداندىرۋ ماقساتىندا بالىقشى، بالىق ءوسىرۋ، قايىق جۇرگىزۋشى، قايىق جوندەۋشى ماماندىقتارىن وقىتۋ تۋرالى ۇسىنىسىن ايتتى.