ايەلدەرگە جۇكتىلىكتىڭ قانشا اپتاسىندا ۆاكسينا الۋعا بولادى؟
بۇل ساۋالعا ق ر دەنساۋلىق ساقتاۋ مينيسترلىگى سانيتارلىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا جاۋاپ بەردى، دەپ حابارلايدى قازاقپارات ءتىلشىسى.
«بۇل ماسەلەنى، ايەلدەر جۇكتىلىكتىڭ قانداي اپتاسىندا ۆاكسينا الۋىنا بولاتىندىعىن انىقتاۋ ءۇشىن يممۋنيزاتسيا جونىندەگى كوميسسيانىڭ قاراۋىنا ەنگىزدىك. ءبىراق، تۇماۋعا قارسى ۆاكسيناتسيانى مىسالعا الىپ ايتار بولساق، جۇكتى ايەلدەرگە 2012-جىلدان بەرى تۇماۋعا قارسى ەكپە جاساپ كەلەمىز. جۇكتى ايەلدەرگە جۇكتىلىكتىڭ 15 جانە ودان جوعارى اپتالارىنان باستاپ تۇماۋعا قارسى ۆاكسينا الۋىنا رۇقسات بەرىلەدى. ياعني، قازىرگى ۋاقىتتا عالىمدارىمىز جۇكتىلىكتىڭ قانشا اپتاسىندا ۆاكسينا الۋعا بولاتىن مەرزىمدى قاراستىرىپ جاتىر»، - دەدى ايجان ەسماعامبەتوۆا ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا.
ايتا كەتەيىك، بۇعان دەيىن ايجان ەسماعامبەتوۆ بالالار مەن جۇكتى ايەلدەردى ۆاكسينالاۋ ءۇشىن ەلىمىزگە Pfizer ۆاكسيناسىنىڭ 4 ميلليون دوزاسى جەتكىزىلەتىنىن ايتقان ەدى.
