قازاقستاندا جويىلىپ بارا جاتقان جانۋارلار تۇرلەرىنىڭ بيوبانكى قۇرىلۋى مۇمكىن
بۇل تۋرالى ق ر ەكولوگيا، گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتى ءتوراعاسىنىڭ ورىنباسارى دانيار تۇرعامبايەۆ ايتىپ بەردى، دەپ حابارلايدى قازاقپارات ءتىلشىسى.
«سىبايلاس جەمقورلىقتى ازايتۋ ماقساتىندا ينسپەكتورلاردى مەرزىمدى روتاتسيالاۋ جۇيەسى ازىرلەنىپ جاتىر. «وحوتزووپروم» ءو ب ر م ق ك ماتەريالدىق-تەحنيكالىق بازاسىن جاڭارتىلىپ، بەينەتىركەۋ جۇيەلەرىمەن جاراقتاندىرۋ جۇمىستارى جۇرۋدە. قورعانىس كەۋدەشەلەرى، كىسەندەر، رەزەڭكە تاياقتار، اۆتوكولىكتى ماجبۇرلەپ توقتاتۋعا ارنالعان قۇرىلعىلار ساتىپ الىندى. ق ر ءى ءى م- مەن بىرلەسىپ «وحوتزووپروم» ينسپەكتورىنىڭ ءتۇرلى جاعدايلارعا ءىس-قيمىل الگوريتمى ازىرلەندى. ودان باسقا، ءى ءى م قۇقىق بۇزۋشىلاردى ۇستاۋ نەگىزدەرى، قىلمىستىق جانە قىلمىستىق ءىس جۇرگىزۋ كودەكستەرىنىڭ، اكىمشىلىك قۇقىق بۇزۋشىلىق كودەكسى نورمالارىن قولدانۋ، قارۋ ۇستاۋ قاۋىپسىزدىگى، تاكتيكالىق-ارنايى دايارلىق قاعيدالارى بويىنشا ارنايى وقۋ باعدارلاماسىن ازىرلەدى.
2019-جىلدان باستاپ ءى ءى م وقۋ ورتالىقتارىندا «وحوتزووپرومنىڭ» 315 ينسپەكتورىنا وقۋ كۋرستارى وتكىزىلدى»، - دەدى د. تۇرعامبايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.
ونىڭ ايتۋىنشا، بيىل جول ءجۇرىسى قاعيدالارىنا تولىقتىرۋلار ەنگىزىلدى جانە كولىكتەر ارنايى جارىق، دىبىس سيگنالدارىمەن جابدىقتالىپ، ارنايى ءتۇستى- گرافيكالىق سحەمالارى بويىنشا بويالۋى قاجەت.
«اۆتوكولىكتەردىڭ تۇستىك گرافيكالىق سحەمالارى ءبىزدىڭ ينسپەكتورلاردى مەملەكەتتىك ورگاننىڭ وكىلدەرى رەتىندە سايكەستەندىرۋگە مۇمكىندىك بەرەدى. ۋاكىلەتتى ورگان ۆەدومستۆوسىنىڭ، جانۋارلار دۇنيەسىن قورعاۋ، ءوسىمىن مولايتۋ جانە پايدالانۋ سالاسىنداعى قىزمەتتى جۇزەگە اسىراتىن جەرگىلىكتى اتقارۋشى ورگانداردىڭ جانە مامانداندىرىلعان ۇيىمداردىڭ ماتەريالدىق-تەحنيكالىق قۇرالدارىن جاراقتاندىرۋ نورماتيۆتەرى ازىرلەندى. بۇل نورماتيۆتەردە اۆتوموتوكولىك جانە ءجۇزۋ قۇرالدارىمەن جانە باسقا دا مامانداندىرىلعان قۇرالدارمەن: ۇشۋ اپپاراتىمەن، ەحولوتپەن، تەپلوۆيزورمەن، تۇندە كورۋ قۇرالدارىمەن جابدىقتاۋ كوزدەلگەن»، - دەپ اتاپ ءوتتى سپيكەر.
سونىمەن بىرگە، رەسەيدىڭ تابيعي رەسۋرستار جانە ەكولوگيا مينيسترلىگى مەن قازاقستاننىڭ ەكولوگيا، گەولوگيا جانە تابيعي رەسۋرستار مينيسترلىگى اراسىندا كيىكتىڭ ترانسشەكارالىق تارالىمدارىن قورعاۋ، ءوسىمىن مولايتۋ جانە پايدالانۋ جونىندە كەلىسىمگە قول قويىلدى.
«ق ر ب ع م «ۇلتتىق بيوتەحنولوگيا ورتالىعى» ر م ك- مەن بيوالۋانتۇرلىلىكتى ساقتاۋ ءۇشىن قازاقستاننىڭ سيرەك كەزدەسەتىن جانە جويىلىپ بارا جاتقان جانۋارلار تۇرلەرىنىڭ بيوبانكىن قۇرۋ ماسەلەسى پىسىقتالۋدا»، - دەدى د. تۇرعامبايەۆ.
