قازاقستاندا ۆاكسينالاۋ قارقىنى نەگە باياۋلادى: الەكسەي سوي ءتۇسىندىردى
ق ر دەنساۋلىق ساقتاۋ ءمينيسترى الەكسەي سويعا ورتالىق كوممۋنيكاتسيالار قىزمەتىندە وسىنداي سۇراق قويىلدى، دەپ حابارلايدى قازاقپارات ءتىلشىسى.
«ءبىرىنشى كەزەكتە، قازاقستان نارىعىندا ۆاكسينالاردىڭ قولجەتىمدىلىك ماسەلەسى بار. وزدەرىڭىز بىلەسىزدەر، كوپتەگەن ەلدەر ءوز قاجەتتىلىكتەرىن مالىمدەي باستادى. ءبىز كولەمدى كەزەڭ-كەزەڭىمەن ۇلعايتىپ وتىردىق. قازىر ءبىز سول ەسەبىزدىڭ جاعدايعا سايكەس كەلگەنىن كورىپ وتىرمىز. جازدا بىزدە ۆاكسينالاۋ قارقىنى بەلگىلى ءبىر مولشەردە تومەندەدى. ەندى كۇزدە قايتا ارتاتىنىن كۇتىپ وتىرمىز. ادامدار دەمالىستان ورالدى، ەندى كوروناۆيرۋس بار ەكەنىنە كۇماندانبايدى، ۆاكسينانىڭ ءتيىمدى ەكەنىنە كوز جەتكىزدى. ءبىز ۆاكسينا الماعان ازاماتتاردىڭ باسىم كوپشىلىگى اۋىرىپ جاتقانىن كورىپ وتىرمىز»، - دەگەن مينيستر قازىرگى قارقىن كوڭىلگە قونىمدى ەكەنىن اتادى.
«قازىر 7,7 ميلليون ازاماتتىڭ سەنىم ارتىپ، ۆاكسينا العانىن كورىپ وتىرمىز. بىزدە ەرەسەك تۇرعىنداردان ۆاكسينا الماعان 4 ميلليون ادام قالدى. جالپى، ەرەسەكتەردىڭ باسىم بولىگى ەكپە الدى. يزرايلگە، ۇلى بريتانياعا قاراڭىز. العاشقى ايلاردا ۆاكسيناتسيا قاۋىرت ءجۇردى. قازىر ول جاقتا دا ۆاكسينا الۋشىلاردىڭ قارقىنى باسەڭ. ياعني، الدىمەن سۇرانىس ارتىپ، كەيىن ءبىر قالىپتى ەكپىنمەن جالعاسىپ جاتىر. قازىرگى قارقىنىمىزدى تۇسىرمەسەك، ۆاكسيناتسيانىڭ قارقىنى جاقسى ەكەنىن كورىپ وتىرمىز»، - دەپ ءتۇسىندىردى الەكسەي سوي.
ونىڭ ايتۋىنشا، ۆاكسيناعا العاشىندا كۇمانمەن قاراۋ الەم ەلدەرىنىڭ بارىندە بولعان.
«جالپى، كوروناۆيرۋس ينفەكسياسىنىڭ ءوزى جاڭا ينفەكسيا. سوندىقتان ءبارى وعان ساقتىقپەن قارايدى. قازىر ۆاكسيناتسيا جاقسى قارقىنمەن ءجۇرىپ جاتقانىن كورىپ وتىرمىز. بۇل، يننوۆاتسياعا قالىپتى رەاكسيا. ادام ءبىزدىڭ ەلدە عانا ەمەس، بۇكىل الەمدە دە وسىلاي ارەكەت ەتەدى. بۇل - قالىپتى جاعداي»، - دەدى ۆەدومستو باسشىسى.
