الداعى ءۇش تاۋلىكتە قازاقستاندا كۇن جىلىنادى

نۇر-سۇلتان. قازاقپارات - سينوپتيكتەر 7-9-قازان ارالىعىندا ەل اۋماعىندا اۋا رايى قانداي بولاتىنىن ايتتى، دەپ حابارلايدى قازاقپارات «قازگيدرومەت» ر م ك باسپا ءسوز قىزمەتىنە سىلتەمە جاساپ.

الداعى ءۇش كۇندە جاۋىن- شاشىن توقتاپ، اۋا تەمپەراتۋراسى جوعارىلايدى.

سولتۇستىك- باتىس انتيسيكلوننىڭ اسەرىنەن ەلىمىزدىڭ باسىم بولىگىندە جاۋىن- شاشىنسىز اۋا رايى بولجانادى، كۇن اشىق بولادى.

تەك شىعىس پەن وڭتۇستىكتەگى اۋا رايى تسيكلوننىڭ كەتۋىنە بايلانىستى جاڭبىرلى، قارلى بولادى دەپ كۇتىلەدى.

وسىلايشا 7-قازان كۇنى ەلدىڭ شىعىسىندا قاتتى جاۋىن- شاشىن جاۋادى. سونداي-اق رەسپۋبليكا بويىنشا تۇنگى جانە تاڭەرتەڭگى ساعاتتاردا تۇمان تۇسەدى.

شىعىستا جانە ورتالىقتا - كوكتايعاق بولىپ، بۇرقاسىن كوتەرىلەدى، باتىستا – شاڭدى داۋىل سوعادى. باتىستا جانە سولتۇستىك-باتىستا كۇندىزگى تەمپەراتۋرا - 10...18 گە دەيىن، سولتۇستىكتە، شىعىستا جانە ورتالىقتا - 8...15 كە دەيىن، وڭتۇستىك ايماقتاردا 15...20 عا دەيىن ازداپ جوعارىلايدى.