د د س ۇ كوروناۆيرۋستىڭ دەلتا شتاممى قانشا ەلگە تارالعانىن مالىمدەدى
«الفا»، «بەتا» جانە «گامما» شتامدارى بار ەلدەر مەن اۋماقتاردىڭ ءتىزىمى تولىقتىرىلدى.
بۇل تۋرالى دۇنيەجۇزىلىك دەنساۋلىق ساقتاۋ ۇيىمى ءمالىم ەتتى، دەپ حابارلايدى قازاقپارات.
دەلتا نۇسقاسىنىڭ بولۋى تۋرالى حابارلامالار 192 ەلدەن كەلدى، ال الدىڭعى اپتاداعى بيۋللەتەندە 187 مەملەكەتتە بولعانى تۋرالى ۇيىمنىڭ حابارلاماسىندا ايتىلعان.
دەلتا شتاممى 2020 -جىلدىڭ قازان ايىنان باستاپ ءۇندىستاندا تابىلعاننان بەرى ماماندارعا بەلگىلى. د د س ۇ دەرەكتەرىنشە 5 قازانداعى جاعداي بويىنشا الەمدە پاندەميا باستالعاننان بەرى 235175106 ادام كوروناۆيرۋس جۇقتىرعان، ءولىم جاعدايلارىنىڭ سانى 4806841 گە جەتتى.
د د س ۇ- نىڭ جەنيەۆا شتاب- پاتەرىنە تۇسكەن مالىمەتتەردە كورسەتىلگەندەي، ينفەكسيانىڭ ەڭ كوپ راستالعان جاعدايى ا ق ش-تا تىركەلگەن. مۇندا 43401318 ادام كوروناۆيرۋسقا شالدىققان. كەلەسى ورىنداردا ءۇندىستان (33853048) ، برازيليا (21468121)، ۇلى بريتانيا (7934940) جانە رەسەي (7637427). ءولىم جاعدايلارى بويىنشا ا ق ش- تا 696732 جاعداي تىركەلگەن، ەكىنشى ورىندا برازيليا (597948)، ءۇشىنشى ورىندا - ءۇندىستان (449260). ءارى قاراي تىزىمدە مەكسيكا (278803) مەن رەسەي (211696) تۇر.
اۆتور: اياۋلىم التىنبەك
