يتاليادا ۆاكسينا پاسپورتىنا قارسى جاپپاي نارازىلىقتار باستالدى

نۇر-سۇلتان. قازاقپارات - يتاليادا تۇرعىندار، سونىڭ ىشىندە تۋريستەر ءۇشىن ۆاكسينا پاسپورتىنىڭ مىندەتتى تۇردە بولۋىنا قارسى جاپپاي نارازىلىقتار باستالدى.

ناتيجەسىندە، مىڭداعان ادام ريم، ميلان جانە تريەست كوشەلەرىنە شىعىپ، تالاپقا قارسى نارازىلىقتارىن بىلدىرۋدە، - دەپ حابارلايدى Kaz.tengritravel.kz ءتىلشىسى.

جاقىندا يتاليا بيلىگى 15-قازاننان باستاپ مەملەكەتتىك جانە جەكە سەكتوردا جۇمىس ىستەيتىن بارلىق ازاماتتىڭ ەۋروپالىق وداقتىڭ COVID-19 سيفرلىق ءتولقۇجاتىنىڭ كەڭەيتىلگەن نۇسقاسى بولىپ سانالاتىن Green Pass-ى بولۋى كەرەك دەپ مالىمدەدى.

SchengenVisaInfo سايتىنىڭ مالىمەتىنشە، بيلىك ۆاكسينادان باس تارتقاندار جانە پ ت ر- تەستىنىڭ تەرىس ناتيجەسىن بەرە الماعاندار، كوروناۆيرۋستان جازىلعانى تۋرالى انىقتاماسى جوق ادامدار جۇمىستان شىعارىلاتىنىن، قوعامدىق ورىندارعا جىبەرىلمەيتىنىن جانە بەسىنشى كۇننەن كەيىن تولەم جاساماۋ ءقاۋپى تۋرالى ايتتى.

ازاماتتار ءار 48 ساعات سايىن جاڭا COVID-19 سىناعىن وتكىزۋ وتە قىمبات بولعاندىقتان، ۇكىمەتتىڭ شەشىمىنە نارازىلىق ءبىلدىرۋ ءۇشىن كوشەگە شىقتى.